Па словах Аляксандра Батуры, мэта выстаўкі - умацаванне станоўчага іміджа Беларусі, развіццё ўзаемавыгаднага супрацоўніцтва з Казахстанам, садзейнічанне рэалізацыі дамоў, дасягнутых пад час візіту Прэзідэнта Рэспублікі Беларусь Аляксандра Лукашэнкі ў Рэспубліку Казахстан у маі бягучага года.
У міжнародным выставачным комплексе "Атакент Экспа" будзе прэзентаваны наш экспартны патэнцыял, прадстаўлена прадукцыя вядучых беларускіх прадпрыемстваў, што, несумненна, паспрыяе далейшаму прасоўванню айчынных навукова-тэхнічных распрацовак і адукацыйных паслуг на казахстанскі рынак.
Апрача палітычных, эканамічных мэт ёсць у выстаўкі і мэта культурнаінфармацыйная. Як распавядае галоўны спецыяліст упраўлення мастацтваў Міністэрства культуры Рэспублікі Беларусь Ірына Рахвалава, выступленні нашых творчых калектываў у Алматы станоўча паўплываюць на ўмацаванне культурных стасункаў дзвюх краін, на павышэнне інфармаванасці грамадскасці Казахстана аб культурным жыцці нашай краіны і традыцыях беларускага народа.
На адкрыцці выстаўкі выступяць ансамбль народнай музыкі і песні "Рагнеда" Заслаўскага ГДК, ансамбль песні і танца "Медуніца" Магілёўскай абласной філармоніі, вакальны гурт "Дубравушка" "Гомельхлебпрама".
А.С.