Фінансаванне пад іх рэалізацыю прадугледжваецца самае разнастайнае.
Наша газета неаднаразова пісала пра намер аднаўлення сядзібы Міхала Клеафаса Агінскага на Смаргоншчыне. Еўрапейская камісія адобрыла праект для фінансавання: гэта больш за 200 тысяч еўра. Пытанне ўзгадняецца цяпер у Савеце Міністраў Рэспублікі Беларусь.
За еўрасаюзаўскія сродкі мяркуецца аднавіць дзіцячы філіял абласной бібліятэкі. У стадыі распрацоўкі - давядзенне да ладу Старога замка ў Гродне. На дапамогу беларускім музейшчыкам збіраюцца прыехаць іхнія калегі з Беластока. Увогуле, на рэалізацыю задуманага спатрэбіцца два мільёны еўра.
Сабраны немалыя грошы для аднаўлення Каложскай царквы. Адзін з галоўных спонсараў - ААТ "Белаграпрамбанк".
Грант міжгранічнага супрацоўніцтва Польшчы, Украіны і Беларусі выйграў Гудзевіцкі музей, што на Мастоўшчыне. Больш за 200 тысяч еўра будзе выкарыстана на рамонт, рэканструкцыю музейнага будынка, а таксама на развіццё этнатурызму.