Нягледзячы на насычаную праграму візіту, прымадонна знайшла час і для наведання Нацыянальнага акадэмічнага Вялікага тэатра оперы і балета Рэспублікі Беларусь. Яна вярнулася ў сцены, якія калісьці былі для яе роднымі. Менавіта ў Мінску ў 1983 годзе пачыналася яе бліскучая прафесійная кар'ера.
Моладзі чуць "жыўцом" знакамітае сапрана Гулегінай, на жаль, не даводзілася: апошнім разам спявачка прыязджала ў Мінск ажно 18 гадоў таму.
За гэты час Оперны тэатр змяніўся да непазнавальнасці. Зайшоўшы ў яго прасторнае фае, прымадонна не хавала свайго захаплення.
Пад час сустрэчы з генеральным дырэктарам тэатра Уладзімірам Грыдзюшкам абмяркоўваліся і планы на будучыню. Прымадонна і яе менеджар прынялі прапанову беларускага боку зладзіць у Мінску сольны канцэрт спявачкі.
Вяртанне Гулегінай на родную для яе сцэну запланавана на сакавік 2011 года.
Наш кар.