Асноўная мэтавая катэгорыя конкурсу — школьнікі, заўтрашняя будучыня нашай краіны. Вось ім найперш і даецца магчымасць выказацца адносна таго, якім, на іх погляд, мусіць быць сучаснае беларускае кіно, што ў ім прываблівае іх і выклікае гонар, а што засмучае, якім яно магло б стаць у будучым.
Арганізатары конкурсу, само сабою, не абмяжоўваюць узрост яго ўдзельнікаў — свае думкі адносна айчыннага кіно можа выказаць любы ахвотны.
Аўтары самых цікавых разваг і рэцэнзій атрымаюць заахвочвальныя прызы ад “Гомелькінавідэапракату” і Нацыянальнай кінастудыі “Беларусьфільм”. Для таго, каб за іх пазмагацца, неабходна, найперш, паглядзець дзве згаданыя стужкі маладых беларускіх рэжысёраў Андрэя Голубева і Дзяніса Скварцова, а потым у пісьмовай форме (у выглядзе рэцэнзіі альбо ўласных разваг) даслаць свае думкі пра гэтыя фільмы на электронны адрас gomelkino@mail.ru альбо на паштовы адрас: 246027, г. Гомель, вул. Мазырская, 10, з пазнакай “Конкурс “Глядзім беларускае кіно”. Дарэчы, можна не абмяжоўвацца толькі прапанаванымі стужкамі і распавесці больш падрабязна пра тое, “якім бы я хацеў бачыць беларускае кіно”.
Конкурс працягнецца з 15 лютага да 15 мая.
Ул. інф.