Свежы нумар
#2016годкультуры
Сядзь, пачытай!
Невядома, калі новы старшыня Бярозаўскага райвыканкама Леанід Мартынюк патрапіў бы ў райбібліятэку, каб не заўважыў у Камсамольскім скверы летнюю чытальню. Школьнікі-валанцёры, якія сталі на час вакацый памочнікамі бібліятэкараў, не далі прайсці кіраўніку раёна міма. У выніку ўстанова займела яшчэ аднаго афіцыйна аформленага чытача.
Далей
"К" інфармуе
Адзін, без гурта, ці адразу ў трыа?
Дырэктар і мастацкі кіраўнік Беларускага дзяржаўнага ансамбля “Песняры” Вячаслаў Шарапаў не працягнуў свой кантракт з ім. Скандальнай падаплёкі ў гэтай падзеі няма, бо музыкант ужо даўно вырашыў для сябе, што сваю місію — па захаванні творчага здабытку вялікага калектыву і ўзбагачэнні яго новымі ідэямі — ён выканаў напоўніцу. І вось цяпер надышоў час даць дарогу маладым.
Далей
Скульптурная “мамзэлька”
У вёсцы Гарадная завяршыўся V Міжнародны пленэр ганчароў. Было там не толькі безліч цікавых работ, але, лічы, і гатовыя праекты пад рэалізацыю: абы грошы знайшліся! Майстар з Брэста, які нарадзіўся на Драгічыншчыне, Васіль Логвін у апошнія дні пленэру выканаў мініяцюрную пакуль выяву “гарадэньскай мамзэлькі” ў пластыцы. Ён надзвычай уразіў мяне, — кажа загадчык аддзела традыцыйнай культуры Брэсцкага абласнога грамадска-культурнага цэнтра. — Шмат гадоў я займаюся папулярызацыяй гэтага звычайнага маленькага гаршочка, які пару гадоў таму пабываў у сусветнавядомым музеі парцаляны ў Гюстаўбергу (Швецыя) і быў там амаль два месяцы галоўнай “дзейнай асобай” на выставе «Беларусь — Швецыя: традыцыі і аднаўленні». Шмат чаго іншага было звязана з ім! І вось цяпер я займела яшчэ адну мару — устанавіць бы ў Гарадной скульптурную кампазіцыю мамцэльцы — павялічаную вялікую копію працы Васіля”. Спадарыня Ларыса дадае, што на пленэры ставала цікавых творчых прац, прысвечаных Гарадной, у тым ліку і міняцюрны пакуль помнік аднарукаму ганчару Мацвею Пячонцы ў выкананні Віталя Рамановіча з Пружанаў, і скульптура “городэнкі” ў выкананні Віталя Шапялевіча з Ганцавічаў. І «палякі» ў выкананні палякаў, якія старыя ганчары з Гарадной ужо не ў стане зрабіць. Самае цікавае, шчырае і захапляльнае было на прэзентацыі творчых прац у нядзелю пад час кірмашу.
Далей
Соцыум
Адваротная эвалюцыя Версаля пад Мінскам
Антыкрызісны план для неаднойчы занядбанага маёнтка
Пра колішні маёнтак Хмараў у Сёмкаве, што непадалёк ад Мінска, гады тры таму мы ўжо пісалі, з радасцю дзелячыся планамі яго аднаўлення, а таксама і першымі захадамі па іх рэалізацыі. У тое, што неўзабаве тут можна будзе пракаціцца на брычцы, прайсціся дагледжаным англійскім паркам і пакаштаваць шляхецкай кухні, верылася тады ахвотна. Ды, як высветлілася, спадзевы аказаліся заўчаснымі: сёлета не толькі ваколіцы, але і самі руіны палаца зараслі вялізным хмыззём, якое ніхто тут ізноў не выкошвае. Лік колішніх шляхецкіх сядзібаў, якія перайшлі ў прыватную ўласнасць, ідзе ўжо на дзясяткі. Лік тых з іх, дзе за прамінулыя з таго часу гады адбыліся хоць нейкія станоўчыя зрухі, — пакуль хіба на адзінкі. Новыя гаспадары альбо проста забываюць пра свае абавязкі (а яны нязменна ідуць у нагрузку да гэтай зазвычай вельмі таннай нерухомасці), альбо заняхайваюць набытыя маёнткі пад ціскам неспрыяльных для сябе абставін. Сёмкава — акурат другі выпадак.
Далей
На маю думку...
Хіба ты фанабэрысты пакемон?
Аляксандр ВЕРГУНОЎ, акцёр Нацыянальнага акадэмічнага драматычнага тэатра імя Максіма Горкага
Вось гавораць: “Рэжысёры! Яны дакладна ведаюць, што патрэбна гледачу”. Хе! А Рэмарк неяк зазначыў, што “… галоўнае — глядач сам не ведае, што ён любіць”. Класік мае рацыю! Дык чаго ж выхваляюцца сабой акцёры? Чаго ж так носяцца з сабой рэжысёры? У адпачынку адольваюць развагі розныя. У тым ліку і пра прафесію…
Далей
Форум: гаворым пра актуальнае!
Мультыпрофіль для канкурэнтаздольнасці
Міхаіл КАВАЛЬЧЫК, заслужаны дзеяч мастацтваў Расіі, галоўны рэжысёр Беларускага дзяржаўнага акадэмічнага музычнага тэатра, дацэнт Беларускай дзяржаўнай акадэміі мастацтваў
У другі раз Акадэмія мастацтваў набрала курс рэжысёраў музычнага тэатра. Адкрыццё такой спецыяльнасці было маёй марай, і дзякуй БДАМ за тое, што рызыкнулі зрабіць набор! У мяне ж з’явілася новая мэта: можа, калі-небудзь атрымаецца стварыць у Акадэміі кафедру музычнага тэатра. Гэта было б прэстыжна для ВНУ і для краіны.
Далей
Па самастойнасць — у абласны
Віталь КРАЎЧАНКА, рэжысёр, выпускнік Беларускай дзяржаўнай акадэміі мастацтваў
Пры выбары месца для дыпломных пастановак усе мае аднакурснікі абралі сталічныя пляцоўкі, а я адмыслова імкнуўся прайсці шлях ад выбару п’есы да прэм’еры як мага далей ад сталіцы. Мне падаецца, зараз у Мінску рэжысёру цяжка выклікаць зацікаўленасць у акцёраў, публіку ж увогуле даволі цяжка здзівіць. У абласным тэатры людзі жадаюць працаваць, яны адкрытыя да новага і падыходзяць да пачаткоўца ў прафесіі з натуральнай зацікаўленасцю, хаця і не без насцярожанасці: “Цікава, а што ён зробіць?” Я па-сапраўднаму шчаслівы, што паехаў ставіць у Магілёў!
Далей
Prof-партфоліа
Новыя таямніцы "Скарыны"
Спектакль “Скарына” па п’есе Мікалая Рудкоўскага і Саўлюса Варнаса (ён жа і рэжысёр-пастаноўшчык) пра беларускага першадрукара рыхтуецца ў Магілёве да 500-годдзя выхаду першай друкаванай усходнеславянскай кнігі — “Псалтыра”. Прэм’ера адбудзецца ў Абласным драматычным тэатры ўвосень, але рэпетыцыі ідуць з сакавіка.
Далей
Праекты развіцця: культура рэгіёнаў
"Белы параход" у чаканні аб'ектыўнасці
60 % гатоўнасці і "Людзі на балоце" да адкрыцця
“Белы параход” заўжды быў адной з “візітовак” Мазыра. Сваёй архітэктурай будынак гэты нагадваў менавіта такую "махіну". А потым — пажар, што зрабіў рэзкую карэктыву ў лёсе трупы даўжынёй ужо не ў адзін год… Але "параход" не спыніў рух. Якое ж зараз жыццё Мазырскага драматычнага тэатра імя Івана Мележа?
Далей
Творчыя авансы?
На што просіць культурны краўдфандынг
Мы ўсё часцей становімся сведкамі дапамогі творцам з боку сістэмы краўдфандынгу. Пераклад-калька тлумачыць: гэта не што іншае, як масавае фінансаванне, грашовае донарства, дабрачыннасць. Пра тое, як ім карыстаюцца айчынныя музыканты і прадзюсары, “К” пісала ў №20. Цяпер зробім агляд культурных і калякультурных праектаў на адпаведных вэб-рэсурсах.
Далей
аКно ў свет
“Арт Базэль”: дух часу — відэаарт
Ці “свеціць” беларускім галерэям прыняць удзел у мастацкім кірмашы?
Адбыўся доўгачаканы арт-кірмаш “Арт Базэль”, які праходзіць штогод, пачынаючы з 1970-га ў Базэлі. І сёлета тут былі прадстаўлены галерэі з 33 краін свету. Карэспандэнт “К” даведаўся, хто з беларусаў наведаў падзею, і задаў гэтым асобам некалькі пытанняў.
Далей
Соцыум: праблемны аспект культуры Рэдакцыя плюс...
“Navi” ў значэнні “індзі”
Cупала так, што гэта “каманднае інтэрв’ю” з лiдарамi маладога беларускага гурта “Navi” мы правялі на наступны дзень пасля выхаду на радыё яго новай песні. Потым музыканты прызналіся, што гэта была самая доўгая размова за ўсю гісторыю калектыву, якому ўсяго тры гады. Яшчэ не так даўно ім былі падуладныя толькі невялікія канцэртныя пляцоўкі, зараз жа нашы госці прымаюць актыўны ўдзел у міжнародных фестывалях. Пра беларускую мову і музыку, пра тое, як усё пачыналася, і пра тое, што будзе далей, “К” гутарыла з Ксеніяй ЖУК (К.Ж.) і Арцёмам ЛУК’ЯНЕНКАМ (А.Л.).
Далей
art-блог
Парадокс у сакваяжы
Заўсёды прыемна згадваць работу калегі па цэху, калі зроблена яна прафесійна і дасканала. Спектакль “Чыё дзіця ў сакваяжы?” у нашым бабруйскім тэатры прыйшоўся даспадобы гледачам і стаў, можна сказаць, хітом сезона.
Далей
Рэалізм камусьці надакучыў?
У галерэі “Ракурс” Нацыянальнай бібліятэкі Беларусі адкрылася выстава, прысвечаная V арт-пленэру “Лета ў правінцыі”, што праходзіў у Смалявічах. Удзельнікі пленэру — педагогі мастацкіх школ, студый, вышэйшых навучальных устаноў Беларусі, Казахстана, Расіі.
Далей
Prof-партфоліа:досвед прафесіяналаў у культуры Сітуацыя
Знесла дах, але мастакі займелі “глебу”
У Гродна, акрамя цудоўна захаваных хрысціянскіх храмаў, акрамя замкавых муроў, нямала помнікаў архітэктуры грамадзянскай і прамысловай. Старыя воданапорныя вежы, што на мяжы гістарычнага цэнтра і сучаснай забудовы, у сваім класе рэч не менш каштоўная, чым згаданыя вышэй сакральныя і абарончыя аб’екты. Добрай захаванасці вежаў спрыяла тое, што напрыканцы 1980-х іх перадалі абласной арганізацыі Беларускага саюза мастакоў пад творчыя майстэрні. Ведаючы, якія людзі ў тых вежах працавалі і працуюць, упэўнены: з часам для Гродна гэта будзе такая ж адметнасць, як для Парыжа так званы “Вулей” (комплекс мастацкіх майстэрань на паўднёвым захадзе горада ў пачатку мінулага стагоддзя).
Далей
На людным месцы
Марафон з кавуном
Жнівень, кажуць, такі ж сумнаваты, як і вечар нядзелі. Восень на носе, нібы пачатак доўгага шэрага будня. Затое баравікоў у лесе — процьма. Вось каб так хутка ідэі нараджаліся! Урэшце, хто з работнікаў культуры іх дбайна “вырошчвае”, у таго і свята — нават пасярод працоўнага тыдня. Пра гэта — у чарговым аглядзе чытацкіх лістоў.
Далей
Гістарыёграф
Выява на крэсле ў стылі Рэнесанс
У экспазіцыі “Сталовая хата” музея “Замкавы комплекс “Мір” прадстаўлена арыгінальнае крэсла XVII стагоддзя ў стылі Рэнесанс, на спінцы якога знаходзіцца медальён з выявай Георгія Пераможцы, які забівае змея.
Далей
ART-блог: беларускае мастацтва Суботнія сустрэчы
Філармонія як школа
Беларускі спявак Сяргей БЕЛАВУСАЎ, вярнуўшыся пасля некалькіх гадоў працы ў Расіі, завяршыў свой першы сезон на сцэне Віцебскай абласной філармоніі — у якасці яе саліста. Яго выступленні адразу сталі прыкметнай з’явай музычнага жыцця рэгіёна. Чым не нагода пазнаёміцца з артыстам бліжэй?
Далей
Экспертыза "К"
“Шырокаму колу...” — значыць, нікому?
Шукаем прычыны недаверу да нашых выданняў
Праз 200 гадоў пасля ўзнікнення кнігадрукавання выдаўцы ўздыхалі: кніг стала так шмат, што іх ніхто не чытае. З гэтай прычыны пачалі шукаць новыя фарматы выданняў. У ХХІ стагоддзі мы зноў прыходзім да пытання ў наступнай плоскасці: як данесці нацыянальныя творы да аўдыторыі. Ці будзе ў айчыннай кнігі зацікаўленае кола прыхільнікаў? Якіх памылак, прынамсі, на ўзроўні першапачатковага знаёмства з выданнем, трэба пазбягаць, каб айчынныя тамы не залежваліся на паліцах крамаў? Аглядальнік “К” разам з загадчыкам кафедры рэдакцыйна-выдавецкіх тэхналогій Беларускага дзяржаўнага тэхналагічнага ўніверсітэта, дацэнтам, кандыдатам філалагічных навук Уладзімірам КУЛІКОВІЧАМ накіраваліся ў сталічную кнігарню, каб выбарачна (на што вока ўпала) пазнаёміцца з прапановамі сучасных выдавецтваў.
Далей
Дэтальны разгляд
Культурныя ініцыятывы грамады
Абвешчаны збор прапаноў для фарміравання праекта “Культурныя ініцыятывы для Беларусі”.
Далей
"Лічбавы" падыход
Вабноты тур-“пірага”
Днямі Нацыянальны статыстычны камітэт апублікаваў статыстычны зборнік “Турызм і турыстычныя рэсурсы ў Рэспубліцы Беларусь”. Многія факты, прыведзеныя ў публікацыі, так ці іначай датычаць і сферы культуры.
Далей
Страта
Галіна АДАМОВІЧ
Не стала літаратуразнаўцы, доктара філалогіі Галіны АДАМОВІЧ. Нечакана, ненатуральна рана. Калі “К” напрыканцы мінулага года завяршала публікаваць дапоўнены варыянт гіпатэтычнай сустрэчы Ёгана Вольфганга Гётэ, Арлена Кашкурэвіча і Уладзіміра Караткевіча, Галіна Яўгенаўна сказала: “А давайце зробім гэткую ж публікацыю паводле “Сымона-музыкі” і “Дон Кіхота”! Аснова ёсць!” “Давайце!” — адказалі мы. На жаль, тэкста гэтага на старонках газеты “Культура” ўжо не будзе.
Бывайце, няўрымслівая і непаўторная Галіна Яўгенаўна!
Далей
фатаграфічная калекцыя
Чалавек з фотакамерай
Міхась Міцкевіч — пра сваё захапленне
“Амаль усе мае даваенныя здымкі не захаваліся”, — і тым не менш наш суразмоўца прыносіць дзве торбы з вялікага фармату адбіткамі. Вось так і захоўваюцца часам унікальныя сведчанні гісторыі — у партфелях, куфрах, скрынках, у пакетах… А адкрыеш архівы — і не пазнаеш у кадрах знаёмых постацяў. Вось на імпрэзе Іван Шамякін, Максім Лужанін, Заір Азгур, вось Янка Маўр — у прыватнай абстаноўцы, а вось — Якуб Колас у форме палкоўніка… Гаворка — пра сямейны архіў Міхася Канстанцінавіча Міцкевіча — малодшага сына народнага паэта Беларусі Якуба Коласа. Наш герой — доктар тэхнічных навук, лаўрэат Дзяржаўнай прэміі БССР, які захапіўся фатаграфіяй у школьныя гады і здымаў на працягу ўсяго жыцця. Сёння ў Міхася Канстанцінавіча, бадай, адзін з найцікавых сямейных альбомаў краіны, які дае магчымасць пазнаёміцца з жыццём беларускай інтэлігенцыі цягам некалькіх дзесяцігоддзяў.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |