У пошуках персанальнага гарышча

Лагойскімі маршрутамі Артура Бартэльса

Мінскі дзяржаўны мастацкі каледж імя А.А. Глебава сёлета адзначае 65-годдзе. 27 студзеня ў Камернай зале імя Л.П. Александроўскай Нацыянальнага акадэмічнага Вялікага тэатра оперы і балета краіны (менавіта ў памяшканнях тэатра былі арганізаваны колісь першыя заняткі каледжа) распачала працу юбілейная выстаўка творчых работ навучэнцаў каледжа апошняга дзесяцігоддзя, а таксама адбылася прэзентацыя каталога. У ім прадстаўлены курсавыя і дыпломныя работы, што адлюстроўваюць сучасны стан мастацкай школы.

Савет Міністраў зацвердзіў пастановай № 91 ад 27 студзеня Рэспубліканскі план мерапрыемстваў па правядзенні ў 2012-м Года кнігі.

31 студзеня адбылося пасяджэнне калегіі Міністэрства культуры краіны, прысвечанае вылучэнню кандыдатаў на атрыманне ў 2012 годзе Дзяржаўнай прэміі Рэспублікі Беларусь у галіне літаратуры, мастацтва і архітэктуры. Міністр культуры краіны Павел Латушка выказаў пажаданне пра большую актыўнасць творчых устаноў, арганізацый культуры, калектываў у працэсе вылучэння кандыдатаў на саісканне Дзяржаўнай прэміі. Таму, зрабіў рэзюмэ міністр культуры, трэба спадзявацца, што надалей падобныя вылучэнні будуць праходзіць больш зацікаўлена. "Ужо адным тым, што творца ці калектыў намінаваны на прэмію, можна ганарыцца", — перакананы Павел Латушка.

На 8 лютага запланавана правядзенне выніковай калегіі Міністэрства культуры краіны ў будынку Дзіцячай філармоніі сталіцы. Аналагічныя мерапрыемствы ладзяцца гэтымі днямі і ў абласцях.

27 студзеня адбылася сустрэча міністра культуры краіны Паўла Латушкі са старшынёй Саюза беларусаў Латвіі Валянцінай Піскуновай і дэпутатам XI Сейма Латвіі, старшынёй грамадскага аб’яднання “Прамень” Аленай Лазаравай.

Дырэктар Беларускага дзяржаўнага музея гісторыі Вялікай Айчыннай вайны Сяргей Азаронак паведаміў, што 1 лютага ва ўстанове распачалася падрыхтоўка новай выстаўкі. Экспазіцыя будзе складзена з прадметаў жаночага туалета і модных аксесуараў пасляваенных гадоў.

Пераможцы Нацыянальнага конкурсу “Мастацтва кнігі-2012”, як паведамляе “К” кансультант упраўлення выдавецкай дзейнасці і кніжнага гандлю Міністэрства інфармацыі Рэспублікі Беларусь Валерый Рагалевіч, вызначаліся ў два этапы. Урачыстая цырымонія ўручэння “…Фаліянтаў” адбудзецца 7 лютага ў Нацыянальнай бібліятэцы Беларусі.

Працягваюцца мерапрыемствы з нагоды 20-годдзя ўстанаўлення дыпламатычных адносін паміж Кітайскай Народнай Рэспублікай і Рэспублікай Беларусь.

28 лютага ў Пасольстве нашай краіны ў Вялікабрытаніі распачне сваю працу выстаўка народнага беларускага касцюма і ручнікоў Музея гісторыі старажытнабеларускай культуры Інстытута мастацтвазнаўства, этнаграфіі і фальклору Нацыянальнай акадэміі навук Беларусі.

4 лютага Белдзяржцырк, Маскоўскі цырк Нікуліна на Цвятным бульвары і Нацыянальны цырк Кубы прэзентуюць мінскаму гледачу ўнікальны сумесны праект.

26 студзеня юбілейны дзень нараджэння адзначыла народная артыстка Беларусі Святлана Акружная. Для паказу ў святочны вечар артыстка выбрала спектакль “Бацька” Аўгуста Стрындберга, пастаўлены заслужаным дзеячам мастацтваў Рэспублікі Беларусь Віталём Баркоўскім. І п’еса была ўключана ў рэпертуар Коласаўскага тэатра па яе прапанове.

Днямі Гродзенская філармонія адзначыла юбілей — чвэрць стагоддзя! Але гэтая дата сталася не толькі падвядзеннем вынікаў, але і новым пунктам адліку: неўзабаве філармонія зачыніцца на рамонт, каб праз час адкрыцца ўжо адноўленай. І ў ёй з’явяцца новыя калектывы і салісты!

Сімфанічным аўтарскім канцэртам у Магілёўскім абласным палацы культуры адзначыў 45-годдзе творчай дзейнасці вядомы кампазітар Уладзімір Браілоўскі.

Бярэзіншчына: творчыя акцыі ў Год кнігі

Шчучыншчына: бібліятэчнае краязнаўства

Хэнд-мэйд у Літаратурным музеі

Беларускі след “кавалерыст-дзяўчыны”

Арыгінальнае выданне “Навучальнае Евангелле”, надрукаванае ў 1569 годзе ў Заблудаве Іванам Фёдаравым і Пятром Мсціслаўцам, сёння з’яўляецца адным з найкаштоўнейшых скарбаў кніжнай культуры нашай краіны, таксама, як і шмат іншых узораў выдавецкай справы, што беражліва захоўваюцца ў Гомельскім палацава-паркавым ансамблі.