Колеры лета ў позняй восені
Insitus — значыць дадзены прыродай, інсітнае мастацтва — творчасць мастакоў без прафесійнай адукацыі, але з самабытным талентам. Віцебск здаўна славіцца не толькі Маркам Шагалам і супрэматыстамі, але і тым, што мае багата самых розных выдатных мастакоў. Інсітнае, ці наіўнае, мастацтва Віцебшчыны сёлета набыло статус гісторыка-культурнай каштоўнасці. На мінулым тыдні ў Віцебскім абласным метадычным Цэнтры народнай творчасці і Віцебскім абласным краязнаўчым музеі пачала працу VI адкрытая абласная выстава інсітнага мастацтва INSITUS-2020. На ёй сабраныя найцікавейшыя творы мастакоў-аматараў з Беларусі і замежжа.