Адаптацыя да сітуацыі
МФМ праходзіць у Беларусі ў сёмы раз. Штогод увосень аматары і знаўцы фатаграфіі маюць магчымасць убачыць новыя беларускія і міжнародныя праекты, пачуць лекцыі, наведаць майстар-класы і прэзентацыі. У гэтым годзе, вядома, усё не так — і праграма, і лік лакацый сталі больш сціплымі. Але да гонару арганізатараў трэба сказаць, што яны праявілі волю і асаблівае прафесійнае ўменне — адаптаваць свой план да сітуацыі, а ў выніку засяродзіцца на беларускіх аўтарах і праблемах, сугучных нашаму грамадству. Уваход у экспазіцыю ў менскім “Корпусе” і брэсцкай “Conserva” вольны, а фота-інтэрвенцыі ў Крэва, у вёсцы Любкі (Маладзечанскі раён) і сядзібе графа Тышкевіча і зусім размешчаны ў вулічных прасторах.
Далей