— Дзяржаўныя іспыты, — паведаміла Святлана Шпарло, начальнік вучэбна-метадычнага аддзела Беларускага дзяржаўнага ўніверсітэта культуры і мастацтваў, — справаздача асаблівая. Яны праводзяцца не анлайн, а з асабітай прысутнасцю і студэнта-выпускніка, і членаў дзяржаўнай камісіі.
Паспелі падрыхтавацца да новых умоў і ў музычнай акадэміі краіны. — Так супала, што ў нас сёлета, — распавяла дацэнт Ірына Гаранец, загадчыца кафедры опернай падрыхтоўкі і харэаграфіі Беларускай дзяржаўнай акадэміі музыкі, — выпускаюцца не толькі артысты, але і двое рэжысёраў музычнага тэатра. Да таго ж, на аркестравым факультэце — трое оперна-сімфанічных дырыжораў, набор якіх ажыццяўляецца раз у некалькі гадоў.
— Дыпломныя спектаклі мы заўсёды рыхтуем загадзя, — расказаў заслужаны артыст Беларусі, прафесар Уладзімір Мішчанчук, дэкан тэатральнага факультэта Беларускай дзяржаўнай акадэміі мастацтваў. — Бо любы навучальны працэс толькі закладае глебу, вучыць жа артыста — менавіта тэатр. Вось і з цяперашнімі сваімі выпускнікамі мы падрыхтавалі за гады вучобы тры спектаклі — абсалютна розныя. Усе яны запісаны на відэа, па якіх дзяржкамісія і будзе прымаць рашэнне.
Абарона дыплома — гэта свята, да якога студэнт рыхтуецца ад самага пачатку навучання. Яно і зразумела. Завяршэнне важнага этапа ў набыцці сваёй самасці хвалюе і натхняе. Тым больш, калі абарона паспяховая і высока ацэнена афіцыйнымі экспертамі і сябрамі-аднакурснікамі. Нават калі потым жыццёвыя варункі прымусяць змяніць прафесію, запісаную ў дыпломе, гэта прыемны ўспамін на ўсё жыццё. А калі гаворка ідзе пра навучальныя ўстановы культурніцкага профілю дык звычайна гэта яшчэ і цікавае відовішча.