Яго чарговая выстава адкрылася ў баку ад шумных сталічных вуліц, у адным з тых месцаў, куды збочваюць, каб паслухаць ціхі голас горада ці схавацца ў цені стомленых ад спякоты дрэў. У прынцыпе, і ўсё жыццё Віталя ЧАРНАБРЫСАВА праходзіць недзе наўзбоч ад тлуму і мітусні. Але ціхая прысутнасць у арт-працэсе гэтай культавай для некалькіх пакаленняў постаці усё ж адчуваецца неўпынна.