12 красавіка ў Палаце прадстаўнікоў Нацыянальнага сходу Рэспублікі Беларусь у другім чытанні былі прыняты папраўкі ў Закон “Аб ахове гісторыка-культурнай спадчыны”.
Новым прыцягальным аб’ектам культурна-турыстычнай інфраструктуры нашай краіны ў бліжэйшай перспектыве можа стаць родавы маёнтак класіка сусветнай літаратуры Фёдара Дастаеўскага ў Іванаўскім раёне Брэсцкай вобласці.
20 красавіка ў Нацыянальным акадэмічным Вялікім тэатры оперы і балета Рэспублікі Беларусь урачыста стартуе ІІ Міжнародны музычны фестываль “Уладзімір Співакоў запрашае”. Ён прадоўжыцца да 28 красавіка і, апроч сталіцы, завітае ў Гомель, Магілёў і Нясвіжскі замак.
17 — 22 красавіка ў Магілёве пройдуць гастролі Брэсцкага акадэмічнага тэатра драмы і музыкі. Таксама гэтымі днямі ў Брэсце запланаваны паказ спектакляў Магілёўскага абласнога драматычнага тэатра.
Як паведамляюць у Міністэрстве культуры Рэспублікі Беларусь, 12 — 13 красавіка міністр культуры Павел Латушка наведаў з рабочым візітам Маскву. Ён прыняў удзел у сумесным пасяджэнні Савета па гуманітарным супрацоўніцтве дзяржаў — удзельніц СНД і Праўлення Міждзяржаўнага фонду гуманітарнага супрацоўніцтва. Павел Латушка выступіў паўнамоцным прадстаўніком Урада Беларусі ў Праўленні МФГС.
Грузія, Іран, Расія, Украіна, Японія — традыцыйная і акадэмічная музыка гэтых краін, сыграная і праспяваная “жыўцом”, спляцецца з беларускімі мастацкімі рэаліямі на ІІ Міжнародным фестывалі этнакультур і ХХІ Міжнародных навуковых чытаннях памяці Лідзіі Мухарынскай.
Напрыканцы красавіка Дзяржаўны музей гісторыі беларускай літаратуры зладзіць выстаўку “Апякункі паэтычных нябёсаў”, прысвечаную беларускім паэткам 2-й паловы мінулага стагоддзя.
18 красавіка ў Нацыянальным мастацкім музеі адбудзецца імпрэза, прысвечаная творчасці заслужанага архітэктара Беларусі, лаўрэата Ленінскай прэміі, а таксама і Дзяржаўнай прэміі Беларусі Леаніда Левіна.