Не так даўно Драматычнаму тэатру Беларускай Арміі было прысвоена званне Заслужанага калектыву Рэспублікі Беларусь. За гады свайго існавання ён выпусціў 18 спектакляў. На пачатку афішу фарміравала ваенная драма, але ў далейшым тэатр паступова пашыраў свой рэпертуар камедыямі, вадэвілямі, казкамі. 2 лютага гледача запрашаюць на чарговую прэм’еру — камедыі “Зорны час” паводле папулярнай п’есы “Пазычце тэнара” амерыканскага драматурга Кена Людвіга.