Фрыстайл № 4 / 1496 за 2021-01-23
Ад Верцялішак да чарта Billboard — адзін трэк
Што агульнага паміж славутым карэйскім бойз-бэндам BTS, які ў апошнія гады б’е рэкорды сусветных чартаў, і народнай эстраднай студыяй “Раніца” Цэнтра культуры аграгарадка Верцялішкі? І тым і другім музыку піша Арцём ARSTON, а студыяй “Раніца” ён яшчэ і кіруе. Напрыканцы лістапада самы папулярны карэйскі бойз-бэнд BTS выдаў свой чарговы альбом, які імгненна і прадказальна ўзначаліў альбомны чарт Billboard. Кампазіцыя “Stay” з гэтага альбома таксама неўзавабе трапіла на першы радок аднаго з чартаў Billboard — а спрадзюсіраваў яе ды-джэй Арцём Arston з Верцялішак. З грандамі электроннай музыкі ён даўно супрацоўнічае, але супраца з BTS — зоркай першай велічыні ў шоу-бізнесе, першае месца хіт-парада Billboard, некалькі дзясяткаў мільёнаў праглядаў на YouTube — гэта як здзяйсненне самай неверагоднай мары. Тым не менш, у роднай Беларусі Арцёма не назавеш чалавекам вядомым.
То пастараемся трохі выправіць сітуацыю.
Далей
|
№ 26 / 1465 за 2020-06-27
Сусветныя лэйблы і мінскі тэхна-блюз
Удача ці талент — у чым сакрэт поспеху ў свеце сучаснай папулярнай музыкі? Бадай, павінны злучыцца і адно і другое. Мінская група Intelligency сем гадоў працавала, выпускала альбомы, радавала прыхільнікаў канцэртамі, расла і сталела. І вось прыйшоў момант, калі Фартуна пабачыла, што калектыў нарэшце заслужыў яе ўвагу: новая песенька August, што ўзарвала інтэрнэт і розныя рэйтынгі па ўсім свеце, Фартуне спадабалася. Як мінскай групе заключыць кантракт з грандам сусветнага шоу-бізнесу, нам раскажуць музыканты групы Intelligency Усевалад ДОЎБНЯ і Юрый ТАРАСЕВІЧ. Раскажуць яны і пра тое, як важна, нягледзячы ні на што, верыць у сябе.
Далей
|
№ 22 / 1461 за 2020-05-30
Michael Soul: “Заўсёды хацеў працаваць у Лондане...”
Малады, таленавіты, артыстычны — спявак і аўтар песень Michael Soul з таго новага пакалення папулярнай музыкі Беларусі, што творыць у рэчышчы сусветных актуальных і модных трэндаў. На сцэне Michael Soul, ён жа Міхаіл Сасуноў, з самага маленства, прайшоў праз мноства конкурсаў, зведаў поспех, зведаў і правал — некалькі гадоў таму нават ставіў кропку ў артыстычнай кар’еры. А праславіўся Майкл ва ўкраінскім шоу “Голас краіны”. І ўвогуле, за межамі Радзімы ў яго болей прыхільнікаў, чым у роднай Беларусі. Такім чынам, яшчэ адну гісторыю пра тое, як таленавітым людзям даводзіцца шукаць сябе ў чужых краях, мы вам сёння раскажам.
Далей
|
№ 16 / 1455 за 2020-04-18
Навошта Кірыл Гуд гэта робіць?
Здаецца, яшчэ нядаўна гэты ўсмешлівы хлопчык быў зоркай нашай дзіцячай музыкі — яскравы, абаяльны, энергічны. І ўжо тады ён пісаў песні, якія ў колах юных выканаўцаў дагэтуль лічацца хітамі. КІРЫЛ ЕРМАКОЎ падрос, змяніў прозвішча на Гуд, і літаральна за некалькі гадоў стаў паспяховым аўтарам і музычным прадзюсарам, чые кампазіцыі выконваюць такія папулярныя артысты, як Zivert, Мот, Валерыя… Але і артыст КІРЫЛ ГУД нікуды не знік — наадварот, у яго вялікія планы…
Далей
|
№ 14 / 1453 за 2020-04-04
Адкладзеная перамога Val
Невядома, пашчасціла ці не групе Val выйграць сёлетні нацыянальны адбор на “Еўрабачанне” — конкурс адмянілі. Аднак перамогу на ўзроўні Беларусі ўжо ж ніхто не адменіць: Val была лепшай і самай годнай. І цяпер пра яе дазналіся шырокія колы слухачоў не толькі ў нашай краіне, але і ва ўсёй Еўропе, сваю хвіліну славы музыканты атрымалі ў любым выпадку. Val — гэта Vlad and Lera, спявачка Валерыя Грыбусава і саўнд-прадзюсар і мультыінструменталіст Улад Пашкевіч. Група новая і не надта вядомая да нядаўняга часу. Але ў спявачкі Валерыі Грыбусавай у яе 25 гадоў ужо вялікая сцэнічная біяграфія: і Гран-пры фестывалю беларускай песні і паэзіі “Маладзечна — 2013”, і першая прэмія на “Славянскім базары ў Віцебску — 2015”, і шматгадовая праца ў Нацыянальным акадэмічным канцэртным аркестры Беларусі. Пра “Еўрабачанне”, пра тое, што далі шматлікія перамогі ў конкурсах, і як ад працы ў аркестры перайсці да стварэння моднай і актуальнай музыкі мы пагутарым з Валерыяй ГРЫБУСАВАЙ.
Далей
|
№ 11 / 1450 за 2020-03-14
Ян Яраш: “Быў рэальна шокавы стан”
Калі сёлета беларускі адбор на конкурс песні “Еўрабачанне” абышоўся без традыцыйных скандалаў, то чалавечую драму мы ўсё ж такі назіралі. Здавалася б, вось ён — наш удзельнік форуму — Ян ЯРАШ, але тут абвяшчаюць балы, атрыманыя дуэтам VAL пры глядацкім галасаванні, і... прабач-бывай, Ратэрдам, — будучая сталіца знакаміта-неадназначнага фестывалю. А, можа, яно і да лепшага, што ўсё так выйшла? Упэўнены, музычная кар’ера таленавітага выканаўцы і без дадзенага творчага спаборніцтва складзецца выдатна.
Далей
|
№ 47 / 1434 за 2019-11-23
Аляксандра ЗАХАРЫК: “Пісаць “папсу” не магу, робіцца млосна”
Яе песні чуў кожны, хто хоць калі ўключаў радыё, ды й тэлегледача, што не бачыў гэтую артыстку, знайсці складана — яна ўдзельнічае ў самых рэйтынгавых тэлепраектах. Аляксандра Захарык спявае джаз, фанк, соўл, і смела можна сказаць, што гэта адна з самых лепшых вакалістак у беларускай папулярнай музыцы. Свой прафесійны шлях на сцэне артыстка пачала яшчэ падлеткам: паўдзельнічала ў нацыянальным адборы на “Дзіцячае Еўрабачанне”, а неўзабаве была ўжо ў кроку ад перамогі ў дарослым адборы з групай “Вецер у галаве”. Увогуле, дзе толькі не пабачыш Аляксандру Захарык — яна ўвесь час рухаецца, адгукаецца на ўсе цікавыя прапановы, удзельнічае ў конкурсах, супрацоўнічае з рознымі калектывамі, напаўняе радыёэфіры сваімі песнямі. А гучаць гэтыя песні, дарэчы, на розных кантынентах, бо ў наш час межаў для музыкі не існуе.
Далей
|
№ 46 / 1433 за 2019-11-15
Сам сабе мэсэдж
Беларускі лэйбл Ezhevika — сапраўдны кландайк сучаснай электронікі. Фізічна яго рэдакцыя знаходзіцца ў Мінску, але гэта не перашкаджае ёй выдаваць музыку з усяго зямнога шара. Дзякуючы лэйблу замежныя аўтары трапляюць у беларускае культурнае поле, а многія таленавітыя суайчыннікі распачынаюць свой шлях да сусветнай аўдыторыі. Як сцвярджае кіраўнік лэйбла Канстанцін КУР’ЯНАЎ, ён рады бачыць, чуць і выдаваць самую разнастайную музыку — абы яна была якаснай ды арыгінальнай.
Далей
|
№ 45 / 1432 за 2019-11-09
Калі тэма рэзануе ўнутры цябе
Апошнім часам біяграфія фотамастачкі Таццяны ТКАЧОВАЙ у нечым нагадвае казку пра Папялушку. Яшчэ ўчора яе ніхто не ведаў нават у вузкім коле, а сёння ў ейным актыве — цэлая гронка прызоў на буйных міжнародных фэстах і публікацыі ў найпрэстыжных замежных выданнях. І што самае дзіўнае ды прыемнае: Таня дамаглася ўсяго гэтага без “хайпу” і спекуляцый на хваравітых тэмах. А кранальная шчырасць — якая з’яўляецца галоўнай ейнай “зброяй” — не выклікае сумневаў нават у апошняга скептыка. Тым не менш, рэакцыю ейная творчасць (і асабліва яе поспех) выклікае неадназначную… Карацей, нагодаў для размовы — болей чым трэба.
Далей
|
Назад
|
Цікавосткі: варта прачытаць! Гісторыя і лёсы: культура Беларусі ад мінулага да сучаснасці
|