Ёсць і свая “Зорка…”!
Як распавядае “К” начальнік аддзела культуры Горацкага райвыканкама Аляксандр Жыгун, рэкламнае інфармацыйнае забеспячэнне першага этапу конкурсу ажыццяўляюць мясцовае радыё і раённая газета. У выніку адбор пераможцаў 26 лістапада праходзіў у Раённым цэнтры культуры з вялікай колькасцю ўдзельнікаў. У ходзе конкурсу былі вызначаны пераможцы: па тры ў намінацыях “Эстрадныя спевы” і “Народныя спевы”, адзін— у намінацыі “Сучасны танец”. Пераможцы — маладыя спецыялісты сферы культуры і адукацыі. 13 снежня горацкія таленты скіруюцца ў Магілёў, дзе адбудзецца абласны адборачны тур Рэспубліканскага конкурсу. 26 лістапада прайшоў першы конкурсны этап і ў Клічаўскім раёне. Тры салісты і два калектывы, па словах дырэктара мясцовай Цэнтралізаванай клубнай сістэмы Ганны Коўрык, перамаглі ў намінацыях “Эстрадныя спевы”, “Народныя спевы”, “Размоўны жанр”, “Сучасны танец”. А 3 снежня пераможцы з Клічаўскага раёна накіраваліся ў Бабруйск, дзе прайшоў занальны адборачны этап конкурсу. У ім прынялі ўдзел маладыя таленты з Бабруйскага, Глускага, Асіповіцкага і Клімавіцкага раёнаў.
Далей