“Слуцкі ўспамін”. Пра будучыню
Дзяржаўны суверэнітэт — гэта не толькі незалежная палітыка, моцная эканоміка ды сацыяльная стабільнасць, але яшчэ і культурны складнік. Адбудаваныя замкі і палацы, адрэстаўраваныя храмы, нацыянальная гісторыя, увасобленая ў помніках героям і геніям, сучасны кантэкст традыцыйнай культуры і падтрыманыя дзяржавай творчыя эксперыменты, звернутыя ў будучыню, даюць нам падставы ганарыцца сваёй краінай. Справе ўмацавання культуры служыць ініцыятыва Прэзідэнта краіны Аляксандра Лукашэнкі па адраджэнні вытворчасці легендарных слуцкіх паясоў як сімвала гістарычнай спадчыны і нашага нацыянальнага брэнда. Першыя крокі па рэалізацыі гэтай ініцыятывы ўжо зроблены. Днямі ўзоры сувенірнай прадукцыі з матывамі слуцкага пояса, зробленыя на Барысаўскім камбінаце дэкаратыўна-прыкладнога мастацтва імя А.Кішчанкі, былі зацверджаны мастацкай радай Беларускага саюза мастакоў і ў Дзяржаўным вытворча-гандлёвым аб’яднанні “Белмастпромыслы”. Камбінат гатовы запусціць узор у серыю.
Далей