Прэзідэнт Рэспублікі Беларусь Аляксандр Лукашэнка 5 сакавіка ўручыў дзяржаўныя ўзнагароды беларускім жанчынам. Сярод уганараваных былі і прадстаўніцы сферы мастацтва.
Загадчык галерэйна-выставачнага аддзела Нацыянальнай бібліятэкі Беларусі Фёдар Ястраб паведамляе “К”, што 6 сакавіка ў галерэі “Панарама” ўрачыста адкрылася фотавыстаўка Віктара Данілава “Скарбы Нясвіжа”, што стала адным з праектаў у рамках рэспубліканскай акцыі “Нясвіж — Культурная сталіца Беларусі 2012 года”.
Першая прэмія — з такім вынікам вярнулася з ІІІ Міжнароднага конкурсу “Premier” у Кіеве студэнтка Беларускай дзяржаўнай акадэміі музыкі, стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі Людміла Карпук. Яе канцэртмайстар Ірына Баркун была адзначана дыпломам.
Заўтра завяршаецца прыём заявак на ўдзел у Першым Адкрытым фестывалі харэаграфічнага мастацтва “Фэст эстраднага танца”, які пройдзе 18 сакавіка ў Маладзёжным тэатры эстрады.
У год, калі Нясвіж з’яўляецца Культурнай сталіцай Беларусі, актыўна вядуцца работы па стварэнні музейных фондаў Нясвіжскага палацава-паркавага ансамбля. Вось і на гэтым тыдні калекцыя замка папоўнілася двума вельмі рэдкімі старадрукамі.
Як паведамляе “К” начальнік упраўлення культуры Мінскага аблвыканкама Анатоль Сінкавец, работы па аднаўленні Жыліцкага палаца ідуць сёння поўным ходам. Асвоена ўжо каля дзесяці мільярдаў рублёў.