Знайсці “залатую сярэдзіну”
Заслужаны артыст Беларусі Ігар Сігоў пад час здымак у гэтым тэлевізійным праекце прызнаўся, што падобных “выпрабаванняў” ён не забудзе доўга. “Даводзіцца знаходзіцца ў акопах, будаваць снежныя сховішчы, плаваць у вадзе, падпальваць розныя прадметы, лазіць па катакомбах...” — адзначыў ён. І дадаў: “Усё гэта хоць і складана часам, але вельмі захапляльна!” Вядома, гаворка — пра 13-серыйны дакументальна-мастацкі праект “Гарады-героі” тэлеканала “АНТ”, які стаўся своеасаблівым крокам наперад для беларускага тэлебачання ў стварэнні гістарычнага тэлекіно. Над дакументальна-мастацкім цыклам працавала цэлая каманда прафесіяналаў, але рэжысёру Ільі Баранаву ды аператару Канстанціну Рабкову прыйшлося, бадай, цяжэй за ўсіх: сабраць усе складнікі ў адно цэлае і годна ажыццявіць добрыя ідэі сцэнарыста Вячаслава Бандарэнкі.
Далей