Вобраз ў пошуках мецэната
Гарадская скульптура — гэта нібы эпіграф для канкрэтных вуліцы, завулка, транспартнага прыпынку, урбаністычнага ландшафту, будынка. Бронзавая дама на лаве задае настрой Міхайлаўскага сквера, выява гандляркі семкамі — як напамін наведвальнікам Камароўкі, што тут ідзе сур’ёзны гандаль і жартачкам не месца. Скульптура настаўніцы ля педуніверсітэта (напэўна, і ўласнае імя ў яе даўно з’явілася) заклікае студэнтаў на скарэнне педагагічных вышынь. Пафасная балерына перад цэнтральным фасадам Опернага натхняе на заглыбленне ў класіку, а выявы дзвюх стомленых дзяўчат у пуантах ля бакавога фасада тэатра — як карцінка з жыцця: стаміліся пасля рэпетыцыі, выбеглі на вуліцу да бліжэйшай лавы. Але наша гаворка — пра іншы будынак і іншую скульптурную кампазіцыю.
Далей