Сад Нэмэна з ініцыятывай
Калі Вера САВІНА, сцэнарыст шматлікіх дакументальных фільмаў, прысвечаных выбітным постацям нашай культурнай прасторы, зазірнула днямі ў рэдакцыю, падумалася: яна збірае вакол сябе людзей не толькі стужкамі, але і заўсёднымі ідэямі, творчай прадпрымальнасцю ў рэалізацыі самых нечаканых праектаў з канкрэтным вынікам. І вось — новы: яна дамовілася са сталічным Батанічным садам аб удзеле яго спецыялістаў у чэрвеньскіх пасадках кветак і дрэў каля Клуба-музея Чэслава Нэмэна ў Старых Васілішках — ацалелага роднага дома знакамітага музыканта — ураджэнца Беларусі. Прычым гэта не першая арганізацыя, што з ахвотай далучаецца да інцыятывы, якую рэалізуе мясцовая і сталічная грамадскасць у Шчучынскім раёне Гродзеншчыны. І рэалізуе паспяхова: наведанне новай установы культуры (прэзентацыя яе адбылася ўсяго колькі месяцаў таму) стала ўваходзіць у шэраг турыстычных маршрутаў айчынных ды польскіх аператараў. На чарзе — стварэнне апякунскага савета. Тэма іх узнікнення сёння як ніколі актуальная ў сферы культуры. Пра тое, як развіць ініцыятыву ў рэгіёнах, якія крытэрыі ацэнкі твораў мастацтва прымаць пад увагу пры выхадзе на міжнародны ўзровень, праз што актуалізавацца культурнаму складніку ў сучаснай тэлепрасторы, разважае Вера Савіна, дыялог з якой вядзе драматург Алена Папова.
Далей