У прыватнасці, мерапрыемствы пачаліся з ускладання кветак да помніка Максіму Багдановічу ў скверы каля Нацыянальнага акадэмічнага Вялікага тэатра оперы і балета, дзе адбылося выступленне дзеячаў культуры нашай краіны, а таксама супрацоўнікаў Літаратурнага музея Максіма Багдановіча. Літаральна адразу пасля ўрачыстай цырымоніі ўдзельнікі памятных мерапрыемстваў перамясціліся ў сабор Святых Пятра і Паўла, дзе адбылася паніхіда на беларускай мове з удзелам хору праваслаўнага брацтва ў гонар святых Віленскіх мучанікаў.
Завяршыліся ж мерапрыемствы вечарам “Пад зоркай Максіма”. У ім прынялі ўдзел даўнія сябры Літаратурнага музея Багдановіча, у тым ліку пісьменнікі, літаратуразнаўцы, акцёры, рэжысёры і музыканты.