Валошка з... экранаў

Сёлета галоўны інфармацыйны партнёр “Славянскага базару ў Віцебску” — Белдзяржтэлерадыёкампанія — падрыхтавала разнастайную і маштабную праграму асвятлення віцебскага форуму. Трансляцыі адкрыцця і закрыцця фестывалю, міжнароднага конкурсу выканаўцаў эстраднай песні, гала-канцэрты майстроў мастацтваў, юбілейныя і сольныя канцэрты… Як падкрэсліў дырэктар музычных і забаўляльных праграм Нацыянальнай дзяржаўнай тэлерадыёкампаніі Рэспублікі Беларусь Дзяніс ШПІТАЛЬНІКАЎ, “…сёлета тэлегледачы здолеюць убачыць віцебскі фестываль фактычна на 90%”.