Як адзначыў пад час адкрыцця выстаўкі дырэктар Музея кінематаграфіі Мечыслаў Кузміцкі, праект стаў працягам плённага супрацоўніцтва з Пасольствам Рэспублікі Беларусь у Польшчы. У сваю чаргу, дырэктар Культурнага цэнтра Беларусі ў Польшчы Аляксандр Карачун адзначыў шматгранны талент і надзвычайную працавітасць мастака.
Усяго ж у экспазіцыі прадстаўлена 40 работ майстра, у тым ліку графічныя выявы музыканта Чэслава Нэмэна, гурта "Бітлз" ды іншых зорак, адлюстраваных у выглядзе... катоў.
Папулярызуецца беларуская культура і на іншым паўшар'і планеты. У прыватнасці, у Цэнтры беларускай культуры імя Кастуся Каліноўскага ў аргенцінскай правінцыі Буэнас-Айрэс адбылося ўрачыстае мерапрыемства, прымеркаванае да гадавіны заснавання Цэнтра. Як паведамілі ў прэсслужбе Пасольства Рэспублікі Беларусь у Аргенцінскай Рэспубліцы, у канцэртнай праграме прыняў удзел вакальна-інструментальны ансамбль "Белавежа", што працуе пры Цэнтры. Ад імя нашага Пасольства Цэнтру былі ўручаны адметныя падарункі, у тым ліку два беларускія нацыянальныя касцюмы.