Яго адметнасцю мусяць стаць драўляныя скульптуры беларускіх партызанаў, над якімі працуюць разьбяры па дрэве Мікалай Скляр і Валянцін Багдзевіч.
Як паведамілі ў Гродзенскім аблвыканкаме, чатыры фігуры вышынёй ад 1,9 да 2,6 метра будуць устаноўлены ля ўвахода ў партызанскі лагер. З мэтай даўгавечнасці скульптурнага ансамбля выкарыстоўваецца выключна якасная драўніна, узрост якой складае не менш за 100 гадоў.
Да таго ж, сам партызанскі лагер у лесе пад Гроднам аднаўляюць да драбнюткіх падрабязнасцей. Будаўнікоў кансультуюць удзельнікі тых далёкіх падзей. А таму ўжо на Дзень Перамогі першыя наведвальнікі комплексу змогуць ацаніць створаныя зямлянкі, бліндажы ды навесы.
Партызанскі лагер плануецца ўключыць ва ўсе гродзенскія турыстычныя маршруты, а ў перспектыве - у рэспубліканскія і нават замежныя. І, відавочна, ахвотных наведаць комплекс будзе нямала.