На сённяшні дзень дзяржава аказвае ўсебаковую падтрымку беларускай кінавытворчасці. Кінапракатныя арганізацыі як дзяржаўныя ўстановы на ўзаемавыгадных умовах могуць і павінны ставіць ў роўныя ўмовы пракат беларускіх і замежных стужак, а не дзейнічаць па схеме: "Калі кіно наша - тады можна "для птушачкі" замовіць і паставіць стужку на дзённы сеанс, на які апрыёры гледачы рэдка ходзяць, а ў прайм-тайм лепш паставіць чарговы галівудскі "шэдэўр"...
Са свайго боку, кінастудыя гатова аказваць усебаковую падтрымку і прапаноўваць усю неабходную рэкламную прадукцыю для беларускіх кінапракатных арганізацый, але - на ўмовах узаемавыгаднага супрацоўніцтва. Спадзяёмся, што кінапракат пойдзе насустрач нацыянальнаму кінематографу, які ў гэтым годзе святкуе 85-гадовы юбілей".