Аўтары

Дырэктар гаспадаркі “1-ы Беларускі” Іван Трубач быў засяроджаны і нешматслоўны: — Усе пытанні — пазней: у мяне жніво! Я прыехаў у Людвінава па парадзе начальніка ўпраўлення культуры Мінскага аблвыканкама Анатоля Акушэвіча. На пытанне, дзе работнікі культуры найбольш актыўна дапамагаюць уборцы ўраджаю, ён адказаў адразу: — У Людвінаве! Вам трэба паехаць туды, бо ўжо шмат гадоў запар пад час жніва мясцовыя работнікі культуры працуюць на зернесушылцы.

"Рапсодыю віцебскіх вуліц" увасобіў у фота Юрый ІВАНОЎ

Мастак мысліць вобразамі. Пошук слоў для яго — пакутлівы і бессэнсоўны, лягчэй знайсці спалучэнне нерэальных і рэальных вобразаў. Вячаслаў Паўлавец усміхнуўся і развёў рукамі: “Так, гэта сапраўды так, але ў працы іншым разам трэба быць красамоўным”.

20 гадоў таму малады бусел аблюбаваў новенькую асвятляльную мачту ў левым куце глускага стадыёна. На вачах здзіўленых глусчан буслінае жытло ўзводзілася па няпісаных правілах пляцення з галінак і трэсак. Калі гняздо было гатова, бусел зайшоўся прызыўным клёкатам (за гэтую мелодыю празвалі яго Ялотам). І тады прыляцела бусліха.