Аўтары

Некалькі гадоў запар дзятву збірае не толькі Галоўная Ёлка краіны ў Палацы Рэспублікі, але і, так бы мовіць, яе малодшая сястрычка — Галоўная Ёлачка ў Малой зале таго ж Палаца. З 19 снежня і да завяршэння калядных святаў на гэтай камернай утульнай сцэне будзе ісці спектакль “Дзед Мароз і люстэрка чараўніцтва”.

Перадкалядны музычны салон у старадаўняй сядзібе? У атачэнні прыгожых мелодый, што ўскалыхваюць пачуцці і саграваюць душу? Менавіта такі расклад прапаноўвае сёння “Музычная гасцёўня” сталічнай філармоніі, праводзячы канцэрт у філіяле Музея гісторыі горада Мінска ў Лошыцкай сядзібе. Ён так і называецца — “Музыка ў сядзібе”.

Заўтра Беларускі дзяржаўны акадэмічны музычны тэатр вялікім святочным канцэртам адзначае сваё паўстагоддзе — акурат дзень у дзень свайго афіцыйнага адкрыцця, што прыпала на 17 студзеня 1971 года. А яшчэ адным падарункам, што тэатр зрабіў гледачам і самому сабе да юбілею, можна лічыць нядаўнюю прэм’еру расійскага мюзікла “Рамэа vs. Джульета. ХХ гадоў пазней”. Чым не нагода пагаварыць пра каханне, любоў да тэатра і мюзікла — і праверку часам?

“Калядныя вечары на Залатой Горцы” штогод збіраюць прыхільнікаў добрай музыкі. Сёлета гэты фестываль меў свае асаблівасці, выкліканыя эпідэміялагічнай сітуацыяй, але публіку не страціў. Наадварот, набыў новыя адценні.

Новы 2021-шы ўсё бліжэй і бліжэй. Гэта відавочна і па музычна-тэатральнай афішы, якая сёлета, нягледзячы на ўсе катаклізмы, надзвычай багатая. Як бы тое ні было, але і ў складаных сітуацыях чалавеку патрэбны жывыя эмоцыі, якія і дае нам мастацтва. Прычым ва ўсіх выпадках жыцця: і каб перажыць драматычныя моманты, і каб настроіцца на пазітыў.

“Чароўны свет” — так называецца сёлета навагодні спектакль Галоўнай ёлкі краіны ў Палацы Рэспублікі. Менавіта на яго, паводле традыцыі, патрапяць не толькі ўсе жадаючыя, прыдбаўшы квіткі, але і юныя гледачы ў рамках навагодняй дабрачыннай акцыі “Нашы дзеці”. Якім жа паўстане для ўсіх іх “Чароўны свет”? Пра гэта мы даведаліся ў рэжысёра Аляксандра Вавілава, які выступіў таксама адным з аўтараў сцэнарыя святочнага прадстаўлення.

Да Новага года — яшчэ амаль тры тыдні, а Маладзёжны тэатр эстрады дэманструе “гатоўнасць № 1”. Пазаўчора ў Палацы Рэспублікі быў зроблены тэлезапіс падрыхтаванага калектывам шоу “Навагодні Блакітны аганёк: Назад у будучыню”, якое можна будзе ўбачыць па СТБ. А праз некалькі дзён адразу на дзвюх пляцоўках: у самім тэатры і ў будынку БелЭкспа — стартуюць новыя святочныя спектаклі для дзяцей.

Ансамблю харэаграфіі Беларускага дзяржаўнага ўніверсітэта культуры і мастацтваў споўнілася 25 гадоў. Сама ж навучальная ўстанова справіла сёлета сваё 45-годдзе. Падвойны юбілей! Пра дасягненні і праблемы на шляху маладых артыстаў, педагогаў, балетмайстраў мы гутарым з загадчыцай кафедры харэаграфіі, прафесарам, кандыдатам філалагічных навук Святланай ГУТКОЎСКАЙ.