Галоўная / Аўтары
АўтарыАўтар Надзея БУНЦЭВІЧ ( 1590 cт. ) |
Allegro “Рустэра”
Замежныя балетныя спектаклі прывозяць да нас не так ужо і часта. А іх паказ на сцэне Нацыянальнага акадэмічнага Вялікага тэатра оперы і балета Беларусі — увогуле падзея з падзей. Апошнім разам, нагадаю, гэта было ў 2009-м, калі Год культуры Расіі ў Беларусі адкрываўся балетам “Лебядзінае возера” ў пастаноўцы Вялікага тэатра з Масквы. А днямі Пасольства Ізраіля ў Беларусі і Цэнтр сцэнічнага мастацтва імя Сюзан Далаль, адзначаны Дзяржпрэміяй сваёй краіны, прадставілі аднаактовы спектакль “Рустэр”. Адбыліся два яго паказы: адзін — па білетах, што былі раскуплены імгненна, другі — па запрашальніках.
Далей
|
Вам песню “ад галавы” ці “для розуму”?
Уладальнікі народных галасоў на два дні “пасяліліся” ў канцэртнай зале Мінскага дзяржаўнага музычнага вучылішча імя М.І. Глінкі. У першы дзень з 27 канкурсантаў, кожны з якіх спяваў па дзве песні (адну з іх — акапэльна, без акампанементу), журы адабрала 14. Тыя атрымалі магчымасць выступіць са славутым калектывам — Нацыянальным акадэмічным народным аркестрам Беларусі імя І.Жыновіча пад кіраўніцтвам народнага артыста краіны, прафесара Міхаіла Казінца.
Далей
|
Танцуюць усе! Але як?..
Палац культуры чыгуначнікаў, дзе праводзіўся фінальны тур конкурсу “Зорка ўзышла над Беларуссю” ў намінацыі “Сучасны танец”, — гэта менавіта тая сцэна, якая апошнім часам асацыятыўна звязваецца ў нашай сталіцы з сучаснай харэаграфіяй і разнастайнасцю яе плыняў: менавіта тут штогод адбываюцца справаздачныя канцэрты кафедры харэаграфіі БДУКіМ. Конкурсная “справаздача” атрымалася яшчэ больш размаітай: і па напрамках (ажно да рэтра, полістылістыкі ды эклектыкі), і па мастацкіх густах (ад высокага да нізкага), і, у выніку, па мастацкім узроўні асобных нумароў.
Далей
|
Next ёсць next!
Рэжысёр Беларускага дзяржаўнага акадэмічнага музычнага тэатра Настасся ГРЫНЕНКА — творца надзвычай крэатыўная, апантаная, лёгкая на пад’ём. І пры гэтым — яшчэ і “сямейная”. Не толькі таму, што мае мужа і дачку, але і таму, што над сваімі праектамі звычайна працуе “ўсёй сям’ёй”, ды яшчэ і пашыранай, бо далучае да супрацоўніцтва не толькі мужа — галоўнага харэографа і артыста таго ж тэатра Дзмітрыя Якубовіча, але і брата — перакладчыка, артыста, навукоўцу-даследчыка Аляксея Грыненку. Апошнім жа часам, як распачалася праца над пастаноўкай “Чырвоны Каптурык. Пакаленне next”, на “пасаду” “галоўнага кансультанта” спектакля прэтэндуе 9-гадовая дачка Ганначка. Чым не “сямейны” падыход? Маўляў, “пакаленне next” выбірае не паміж сям’ёй і працай, а менавіта на сумежжы, дзе не зразумела: гэта “ўжо тэатр” ці “яшчэ сям’я”? І паспрабуй даведайся, хто ў той сям’і — за сцэнарыста і рэжысёра, хто — за артыста, а хто — “перакладчыкам” паміж імі.
Далей
|
Адна з сямі прафесара Шышкова
Таленавіты скрыпач Арцём ШЫШКОЎ неаднойчы станавіўся героем артыкулаў “К”. А як жа іначай! Бо ён — лаўрэат шматлікіх міжнародных конкурсаў, стыпендыят і лаўрэат спецыяльнага фонду Прэзідэнта Рэспублікі Беларусь па падтрымцы таленавітай моладзі, удзельнік многіх прэстыжных фестываляў, канцэртуючы музыкант, які з сольнымі гастролямі пабываў у Бельгіі, Германіі, Нарвегіі, Польшчы, Фінляндыі, Францыі, Швейцарыі, іншых краінах свету. Творчых падзей на ягоным жыццёвым шляху столькі, што хопіць далёка не на адзін артыкул. Выхаванец Беларускай дзяржаўнай акадэміі музыкі і, раней, Рэспубліканскага каледжа пры ёй, ён змяніў статус навучэнца на выкладчыка гэтых адукацыйных устаноў. Гэтак жа летась з удзельніка майстар-класаў “Musica Mumdi” ў Бельгіі “ператварыўся” ў прафесара гэтых самых курсаў. І ўжо год як удзельнічае ў інтэрнацыянальным “Ліпкінд-квартэце” (Беларусь, ЗША, Ізраіль, Японія). А літаральна днямі выпраўляецца ў Вену, каб прадоўжыць адукацыю ў аспірантуры тамтэйшага Універсітэта музыкі і выяўленчага мастацтва.
Далей
|
“Багема” і Стамбул
Хто сказаў, што гастролі часцей прыпадаюць на лета ці калядныя тыдні? Вясной таксама для іх самы час.
Далей
|
За аднаўленнем — аптымізацыя
Сёння ў Нацыянальным акадэмічным Вялікім тэатры оперы і балета Рэспублікі Беларусь — прэм’ера “Набука” Дж.Вердзі, якая можа лічыцца сумесным беларуска-расійскім праектам. Наперадзе ў тэатра — не менш перспектыўныя планы. Імі падзяліўся з журналістамі генеральны дырэктар установы Уладзімір Грыдзюшка.
Далей
|
“Калючая ружа” — у цэнтры жыцця
У сакавіку народнай артыстцы СССР, прафесару Тамары Ніжнікавай споўнілася 85. 31 сакавіка да яе юбілею ў Нацыянальным акадэмічным Вялікім тэатры оперы і балета Беларусі пакажуць “Севільскага цырульніка” Дж.Расіні — спектакль, у якім яна ўпершыню выйшла на нашу сцэну. Яшчэ раней Тамару Мікалаеўну віншавалі ў Музычнай гасцёўні тэатра. Спявалі яе выхаванкі, салісткі тэатра Алена Шведава і Алена Бундзелева, а яна шчодра дзялілася сваімі багатымі ўспамінамі. Юбілярка і цяпер выкладае ў Беларускай дзяржаўнай акадэміі музыкі. Што ні ўрок — цэлы спектакль, на якім не разбярэш, хто спявае больш: яе вучаніцы ці яна сама, адорваючы ўсё наваколле сваёй бурлівай энергіяй і сонечнымі ўсмешкамі. Гледзячы на яе, не верыш ні ейнаму пашпартнаму ўзросту, ні таму, што за яе плячыма і ваеннае ліхалецце, і цяжкасці пасляваенных гадоў. А можа, гэта менавіта яны надалі ёй тую прагу жыццёвай актыўнасці? Не проста загартавалі, а навучылі глядзець на свет шырока раскрытымі вачыма, з непадробнай цікавасцю і верай, што цуды трэба ствараць уласнымі рукамі.
Далей
|
Актуальная сцэна для моладзі
Прэзідэнт Рэспублікі Беларусь Аляксандр Лукашэнка павіншаваў мастацкага кіраўніка Маладзёжнага тэатра эстрады, народнага артыста Беларусі Васіля Раінчыка з 60-годдзем. “Створаныя Вамі цудоўныя, мілагучныя вакальныя творы ўпрыгожваюць рэпертуар спевакоў розных пакаленняў і па праве ўваходзяць у залаты фонд айчыннага мастацтва”, — гаворыцца ў віншаванні. У самім жа тэатры 8 красавіка адбудзецца праграма “Музыка для ўсіх!”, адна назва якой, пазычаная з песні “Верасоў”, сведчыць, што гэтым канцэртам калектыў адзначыць юбілей Васіля Пятровіча. Дарэчы, з кампазітарскай асобы Васіля Раінчыка і пачалася наша размова з дырэктарам тэатра Мікалаем КАЗЮЛІНЫМ.
Далей
|
Інтэлігентнае... стаянне на галаве
У сталіцы, дзякуючы намаганням Беларускага рэспубліканскага саюза моладзі, адбыўся фінал Адкрытага чэмпіянату краіны па брэйк-дансу “Сіла двух-2010”. Чэмпіянат сабраў амаль 300 удзельнікаў з розных куткоў Беларусі, бо яго адборачныя туры прайшлі ва ўсіх абласных цэнтрах і Слуцку. А сярод танцораў былі не толькі “гарадскія”, але і “вяскова-пасялковыя” прадстаўнікі больш як 30 населеных пунктаў.
Далей
|
Новы нумар
Рэдакцыйна-выдавецкая ўстанова
"Культура і мастацтва"