Аўтары

Неверагодны па энергетычным запале перформанс Darkness Poomba паўднёвакарэйскай кампаніі Modern Table працягнуў у мінулую нядзелю праграму Міжнароднага форума тэатральнага мастацтва “ТЭАРТ”. Contemporary dance і фальклорныя спевы, ударны рок-н-рол і “чачотка” палачкамі для ежы — карэйскі калектыў прадставіў унікальнае дзеянне, у якім нацыянальная і глабальная культуры знаходзяць паразуменне, падпарадкоўваючыся смелай задуме. Аўтар дзёрзкага выказвання — мастацкі кіраўнік Modern Table КІМ ЧЖЭ ДОК. “К” пашчасціла паразмаўляць з рэжысёрам і харэографам пра яго спектакль, пошук унікальнага стылю і эканамічныя варункі, у якіх існуюць у Паўднёвай Карэі калектывы contemporary dance.

Да 15 кастрычніка чакаюцца заяўкі ад маладых кінематаграфістаў на ўдзел у пітчынгу кінапраектаў, які адбудзецца ў рамках Індустрыльнай платформы Bel:Cinema Мінскага міжнароднага кінафестывалю “Лістапад”. Гэтае ды іншыя мерапрыемствы платформы, якая з’яўляецца ўжо чацвёртай па ліку, пройдуць з 3 па 8 лістапада. А галоўнай яе пляцоўкай стане кінастудыя “Беларусьфільм”.

На мінулым тыдні ў сталічным кінатэатры “Піянер” слыннай стужкай Валерыя Рубінчыка “Дзікае паляванне караля Стаха” распачаўся сумесны праект Нацыянальнай кінастудыі “Беларусьфільм” і мінскага “Кінавідэапраката”. Акцыя “Беларускае кіно-95”, прысвечаная знакавай даце айчыннага кінематографа, дапоўніць рэпертуар “Піянера” стужкамі з фонду залатой калекцыі айчыннага — сучаснага і савецкага перыяду — кіно.

20 верасня пастаноўкай Мікалая Пінігіна “Рэвізор” у Нацыянальным акадэмічным тэатры імя Янкі Купалы распачаўся Міжнародны форум тэатральнага мастацтва “ТЭАРТ”. Наперадзе нас чакаюць 19 спектакляў беларускай і міжнароднай праграм, а таксама “Школа ТЭАРТа”, у рамках якой адбудуцца сустрэчы з ключавымі фігурамі тэатральнай сцэны — беларускай, польскай і расійскай.

Тонкай чырвонай лініяй праходзіць праз цэнтральную экспазіцыю Месяца фатаграфіі ў Мінску матыў інтэпрэтацыі і працы з архівам. 11 праектаў, што ўбірае ў сябе выстава ў галерэі візуальных мастацваў “Ў”, дапасоўваюцца, перагукаюцца і адштурхоўваюцца адзін ад аднаго. Арганізатары фестывалю як ніколі раней імкнуліся зрабіць галоўную выставу даступнай для гледача: працуючы з прасторай і колеравым вылучэннем залаў, дапаўняючы пэўныя праекты гукамі і пахамі. Аднак атракцыі ніяк не адмяняюць сэнсу: бачнага і схаванага.

У беларускай фатаграфіі ХХ стагоддзя ўжо склаўся свой пантэон аўтараў. І імя Віктара БУТРЫ — адно з тых, якое знаходзіцца ў ім па праве. Гэта аўтар, здымкі якога б’юць наводмаш. Па прафесіі ўрач, ды яшчэ і з даволі нечаканай спецыялізацыяй — паталагічная анатомія, Віктар Аляксандравіч прыйшоў у фатаграфію ў 1960-я. Здымаў усё жыццё — у Рызе, у Віцебску, у Мінску, у Маскве, куды толькі ні трапляў. І стаўся майстрам з характэрным “вострым” почыркам, сённяшняя калекцыя якога складае больш за сотню здымкаў.

Што значыць — зрабіць кінафестываль? Пра што можа распавесці досвед праграмных дырэктароў і менеджэраў кінапраектаў? Якія прагалы і праблемы нашай кінаіндустрыі высвечвае фестывальная практыка? Працягваем даследаванне кінафестывальнай тэмы на прыкладзе галоўнага кінафоруму краіны — фестывалю “Лістапад”. У гэтай падборцы пра свой досвед і клопаты распавядаюць дырэктар кінафестывалю “Лістапад” Анжэліка КРАШЭЎСКАЯ, дырэктар праграм ігравога кіно і фільмаў для дзіцячай і юнацкай аўдыторыі “Лістападзік” Ігар СУКМАНАЎ і дырэктар праграм неігравога кіно Ірына ДЗЯМ’ЯНАВА.

Новы акадэмічны год пачнецца ўжо зусім хутка. Ва ўсіх навучальных установах — ад школ да ўніверсітэтаў — ідуць апошнія падрыхтаванні. Скажам, Беларуская дзяржаўная акадэмія музыкі сустрэне сваіх студэнтаў адкрыццём уласнай арганнай залы. Міні-арган за час вакацый перабраўся з невялікага вучэбнага кабінета ў куды больш прасторнае памяшканне. “Тут будуць ладзіцца і заняткі, і канцэрты, — распавядае першы прарэктар установы Алена Куракіна. — І мы запрашаем на іх усіх ахвотных”. Мы ж пагаворым пра “сімфонію ведаў”. Якія спецыяльнасці карысталіся попытам у ВНУ культуры і мастацтваў падчас апошняй уступнай кампаніі? Якімі былі яе вынікі і тэндэнцыі? Якія здзяйсненні радуюць, а клопаты — непакояць? Напярэдні 1 верасня карэспандэнты “К” наведалі кожную з трох творчых alma mater, каб даведацца, з якім настроем у іх сценах распачынаюць новы акадэмічны год.