Аўтары

Знакамітаму спеваку Валерыю ДАЙНЭКА, вядома ж, 65 гадоў не дасі. Але афішы найбліжэйшага канцэрта ансамбля “Беларускія песняры” ў Мінску маюць дадатковую “прывязку” да гэтай даты заслужанага (а па сутнасці – даўно ўжо народнага) артыста Рэспублікі Беларусь. Але пагутарылі мы пра рознае: пра тое, як заставацца хлапчуком у любым узросце і ідэальна падрыхтавацца да канцэрта, на карысць чаго Дайнэка адмаўляецца ад сваіх аранжыровак у “Песнярах” і чаму не спявае “Белавежскую пушчу”. А таксама пра тое, ці будуць на юбілейным выступе танцы, пер’е і дзяўчаты з вялізнымі... вартасцямі. 29 лістапада, акурат у дзень народзінаў Дайнэкі, адбудзецца канцэрт ансамбля "Беларускія песняры" да яго важкай даты ў сталічным Палацы культуры Мінскага аўтазавода.

Нарэшце, прыспеў час падвесці вынік нашага “каласавання” ў апошнюю суботу лета. Нагадаем, газета “Культура” супрацоўнічала з Дзяржаўным літаратурна-мемарыяльным музеем Якуба Коласа ў праекце “ПаКаласімся!”

Распавяду пра назіранні, якія ўпэўнілі мяне, наколькі малы час і, у маштабах краіны, невялікія выдаткі патрэбныя для таго, каб сфармаваць у самай шырокай грамады ўяўленне станоўчасці ўсведамлення сябе беларусамі. Карацей, пра незнарочысты і знарочысты патрыятызм.

Дзве невялікія зацемкі, якія ўскосна ці наўпрост маюць дачыненне да тэмы турызму ў сталіцы. І да тэмы Года культуры ў тым шырокім разуменні, якое вызначалася пры яго абвяшчэнні: культура вытворчасці і земляробства, культура сямейных адносін і быту, культура добраўпарадкавання населеных пунктаў і гэтак далей.

Сёлетні Міжнародны конкурс выканаўцаў эстраднай песні “Славянскі базар у Віцебску” сапраўды хацелася глядзець. І заўзець за беларускага ўдзельніка Аляксея Гроса. Я, напрыклад, упершыню ў жыцці тры дні глядзеў гэты конкурс менавіта каб скласці ўражанне пра Аляксея, яго канкурэнтаў і агульны ўзровень спаборніцтва. І мой, і, мяркую, многіх іншых інтарэс звязаны з прафесійным падыходам да прасоўвання артыста, элементамі тактыкі якога варта скарыстацца многім падзеяўтваральным установам сферы культуры.

Ужо гэтымі днямі (і яшчэ амаль два месяцы) беларускі гурт сярэднявечнай музыкі “Стары Ольса” скарае Злучаныя Штаты Амерыкі. Айчынны прадзюсар Віталь Супрановіч так сказаў у сваім акаўнце ў сацыяльнай сетцы пра гэту падзею: “Роўна 40 гадоў таму пачаліся гастролі легендарных “Песняроў” па ЗША. Праз 40 гадоў не менш легендарныя “Стары Ольса” рушылі заваёўваць Злучаныя Штаты! Супадзенне? Не думаю!” І адразу прыгадваецца фраза з нейкай заакіянскай газеты ў 1976-м: “рускае ўварванне на заходнім рок-фронце”. Мы яе смела карэктуем (як гэта варта было рабіць і тады, каб жылі “Песняры” ў рэаліях больш блізкіх да нашага часу): уварванне — адназначна беларускае, а фронт — цяпер медывальны, сярэднявечны. Наша газета будзе сачыць за выступамі гурта і, па меры паступлення свежай інфармацыі, паведамляць вам пра тое, як праходзіць тур.

У Мінск на пару дзён завітваў генеральны дырэктар “Рускага радыё ва Украіне”, вядучы ўкраінскага ж “Радыё “Рокс” Сяргей КУЗІН, вядомы і ў Беларусі як шматгадовы лідар айчыннага FM-эфіру. “К” пацікавілася ў суразмоўцы яго бачаннем шэрагу паралеляў у культурах і шоу-бізнесе нашай дзяржавы і суседняй.

Сёння зноў вяртаемся да тэмы культурных ініцыятыў, якіх чакае Міністэрства культуры краіны ў рамках абвешчанай акцыі. Журналісты "К" пачалі выказваць меркаванні ў № 32.

Інавацыі пачынаюцца з мультсерыяла? або Зноў пра тое, што рэдкая птушка “даляціць” да эфіраў з нашым кіно

Пра пачатак шэрагу вартых увагі ініцыятыў Года культуры было абвешчана 11 жніўня падчас прэс-канферэнцыі першага намесніка міністра культуры Рэспублікі Беларусь Ірыны Дрыга. Многія з іх былі агучаны ў Рэспубліканскім плане мерапрыемстваў Года культуры. Праводзіцца шэраг падзей упершыню ў гісторыі рэспублікі.