Класіка жанру і летняга адпачынку
Пяць гадоў таму летнія канцэрты класічнай музыкі на плошчы Свабоды пачыналіся як адмысловы мінскі фестываль. Летась “Класіка ля ратушы з velcom | A1” пашырыліся яшчэ і на Віцебск. Супадзенне ці не, але ж сёлета гарадоў-удзельнікаў фэсту ўжо таксама пяць. 29 чэрвеня жывую класічную музыку слухалі на вуліцах Віцебска, потым такія канцэрты адгучалі ў Гродне і Гомелі. Сёння, 20 ліпеня, фестывальны рух дайшоў і да сталіцы, дзе да канца лета запланавана яшчэ пяць класічных вечароў. А 28 ліпеня да музычнага свята далучыцца Брэст. Наўрад ці хто-небудзь паспрачаецца, што такі выхад за межы традыцыйных сцэн дазваляе і слухачам, і самім выканаўцам атрымаць новы досвед ды ўражанні. Летнія вечары пад гукі класікі ўжо становяцца класікай адпачынку для жыхароў розных гарадоў Беларусі.
Далей