У папярэдніх частках мы ў агульных рысах распавялі гісторыі двух старабеларускіх шляхецкіх родаў: Дамейкаў і Анцутаў. А зараз самы час сканцэнтраваць увагу на двух асобах, датычных маці Ігната Дамейкі Караліны-Барбары: яе бацьку і старэйшым браце. Пагатоў, ім выпала жыць акурат у той драматычны час, падзеі якога потым водгуллем адбіваліся і на лёсе вялікага навукоўца.