Падарункі да юбілею — гэта заўсёды прыемна. Тым болей, у дадзеным выпадку яны незвычайныя: замест прысмакаў — новая кніжная крама, замест запаленых свечак — пешаходная вуліца, а вішанькай на торце — новы парк культуры і адпачынку. Да 25-га Дня беларускага пісьменства жыхары Іванава атрымалі цэлы шэраг такіх знакавых прэзентаў для свайго горада, які сёлета адзначае 595-годдзе.