Ля вытокаў дзвюх рэк, на водападзеле двух мораў
Сёння, 12 жніўня, распачынаецца II Рэспубліканскі “Фестываль дзвюх рэк” у Докшыцах. Арыгінальная назва патрабуе пэўнага тлумачэння. Докшыцкі раён знаходзіцца на водападзеле басейнаў Чорнага і Балтыйскага мораў. У горадзе бярэ пачатак рэчка Бярэзіна, за райцэнтрам знаходзіцца выток ракі Віліі. Мясцовыя ўлады вырашылі, што такая водная “дзяржава” павінна мець адпаведны брэндавы фэст, які б творча ўплываў на іншыя беларускія рэгіёны. Як-ніяк, а згаданыя рэкі працякаюць шмат па якіх абласцях нашай краіны. А калі згадаць, што кожная рэчка мае працяг у марах і акіянах, дык і міжнародны статус для такога мерапрыемства — цалкам рэальны. Прынамсі, менавіта так думаюць у аддзеле ідэалагічнай работы, культуры і па справах моладзі Докшыцкага райвыканкама. І не проста думаюць, але і справу робяць.
Далей