12 лютага ў Міністэрстве культуры краіны пад старшынством міністра культуры Барыса Святлова адбылося першае пасяджэнне, прысвечанае выпрацоўцы канцэпцыі XXII Міжнароднага фестывалю мастацтваў "Славянскі базар у Віцебску". Абмеркаванне вялося ў адпаведнасці з даручэннем Прэзідэнта Рэспублікі Беларусь Аляксандра Лукашэнкі.
14 лютага ў Нацыянальным мастацкім музеі прайшлі ўрачыстасці з нагоды 100-годдзя з дня нараджэння выдатнага песняра беларускай зямлі, народнага мастака Беларусі, лаўрэата Дзяржаўнай прэміі Віталя Цвіркі.
13 лютага ў Нацыянальным мастацкім музеі адбыўся вернісаж аднаго твора: жывапіснага кампазіцыйнага партрэта Людвіка Кандратовіча — Уладзіслава Сыракомлі — пэндзля Адама Казіміравіча Шэмеша са збораў Літоўскага мастацкага музея.
Чарговым крокам па папулярызацыі айчыннай культуры за межамі нашай краіны стала адкрыццё ў Акадэмічнай бібліятэцы Латвійскага дзяржаўнага ўніверсітэта ў Рызе Беларускага інфармацыйнага цэнтра. Яго стварэнню паспрыяла Пасольства Рэспублікі Беларусь у Латвійскай Рэспубліцы.
У Музеі кнігі Нацыянальнай бібліятэкі Беларусі адбылася прэзентацыя ўзноўленай у мініяцюрным фармаце купалаўскай "Жалейкі" 1908 года. Фармат факсімільнага выдання — 35 на 47 міліметраў.