Нацыянальная кінастудыя “Беларусьфільм” разам з расійскімі (у тым ліку славутым “Ленфильмом”), фінскімі, нямецкімі партнёрамі прыняла ўдзел у стварэнні карціны Канстанціна Лапушанскага “Роля”. На мінулым тыдні новы кінатвор расійскага рэжысёра, прызёра дзясяткаў міжнародных кінафестываляў, вучня Андрэя Таркоўскага, быў прадэманстраваны прадстаўнікам прэсы.
У Музеі сучаснага выяўленчага мастацтва прайшла выстаўка пад назвай “Сумоўе драўлянай скульптуры”, прысвечаная памяці выдатнага скульптара Леаніда Давідзенкі (1941 — 2003 гг.). Мастацкая творчасць была толькі адной з іпастасяў гэтай шматграннай асобы. Многа зрабіў Леанід Рыгоравіч як выкладчык, працуючы ў гімназіі-каледжы мастацтваў імя І.В. Ахрэмчыка — “кузні” абітурыентаў для Беларускай дзяржаўнай акадэміі мастацтваў. Нямала ягоных вучняў потым вучылася ў Акадэміі і сёння плённа працуе на ніве нацыянальнай культуры.
У дні 70-годдзя перамогі ў Сталінградскай бітве майстэрню вядомага беларускага мастака, ураджэнца Украіны, ветэрана Вялікай Айчыннай вайны Тараса Паражняка наведалі прадстаўнікі ўкраінскай дыяспары ў Беларусі і пастаянны паўнамоцны прадстаўнік Украіны пры каардынацыйных інстытутах СНД Іван Бунечка.