Другая Нацыянальная: фініш перад стартам
Набліжаецца да завяршэння падача заявак на ўдзел у ІІ Нацыянальнай тэатральнай прэміі. І ўжо з упэўненасцю можна сказаць, што, у параўнанні з тым, як мінулагодні “эксперымент” успрымаўся са значнай доляй асцярожнасці і стрыманасці, сёлета тэатры з гатоўнасцю і непадробным інтарэсам рыхтуюцца да другога “званка”. А тыя, хто з нейкіх прычын замарудзіў на старце, яшчэ паспеюць нагнаць сваіх саратнікаў-сапернікаў: прыём заявак на ўдзел у ІІ Нацыянальнай тэатральнай прэміі завершыцца 15 верасня.