Сёння, дзякуючы найсучасным транспартным сродкам, дабрацца да Рыма, Парыжа ці, скажам, Вены можна літаральна за пару гадзін. У нашых далёкіх продкаў такая дарога магла займаць некалькі тыдняў. Яно і не дзіва: замест звышгукавых самалётаў у раннім Сярэднявеччы выкарыстоўваўся водны і сухапутны транспарт. Што да апошняга, то ў тагачасным “аўтапарку” пераважалі сані ды вазы.