Віцэ-прэм’ер Анатоль Тозік старшынстваваў на пасяджэнні арганізацыйнага камітэта па падрыхтоўцы і правядзенні Міжнароднага фестывалю мастацтваў “Славянскі базар у Віцебску”. Абмеркаванне датычылася асноўных мерапрыемстваў фестывалю: гэта ўрачыстыя цырымоніі адкрыцця і закрыцця, Дні Беларусі, Украіны, Саюзнай дзяржавы.
2 мая ў Нацыянальным прэс-цэнтры адбылася прэс-канферэнцыя, прысвечаная падрыхтоўцы і правядзенню ў Рэспубліцы Беларусь і горадзе Мінску святочных мерапрыемстваў да Дня Перамогі. Пра вайсковы чыннік свята апавядалі прадстаўнікі Міністэрства абароны, пра культурныя аспекты — намеснік начальніка ўпраўлення культуры Мінгарвыканкама Сяргей Мядзведзеў.
“Мастак. Грамадзянін. Герой”. Гэтыя словы — пра Міхаіла Савіцкага, народнага мастака Беларусі і СССР, чалавека, вядомага сваёй грамадскай і педагагічнай дзейнасцю, аднаго з нямногіх, хто ўшанаваны званнем Героя Беларусі. Так называецца экспазіцыя, прысвечаная жыццю і творчасці Міхаіла Савіцкага ў галерэі, што носіць яго імя. Месціцца яна пад дахам аднаго з карпусоў Музея гісторыі горада Мінска.
Дырэктар Рэспубліканскага цэнтра нацыянальных культур Міхаіл Рыбакоў паведаміў “К”, што 2 чэрвеня ў Гродне плануецца правядзенне трэцяга пасяджэння Кансультатыўнага савета па справах беларусаў замежжа. Яно адбудзецца ў рамках заключных мерапрыемстваў IX Рэспубліканскага фестывалю нацыянальных культур.
Летась 70-годдзе адзначыў часопіс “Вожык”, а сёлета такую ж дату святкуе Сяргей Анатольевіч Волкаў — мастак, чыя творчасць не адзін дзясятак гадоў звязана з гэтым часопісам.
Венскі фестываль мастацтваў адкрыецца, паводле традыцыі, фіналам класічнага “Еўрабачання”. Для ўдзелу ў ім ад Беларусі выбрана юная цымбалістка Аляксандра Дзенісеня. Але спярша ёй давядзецца прайсці паўфінал.