20 кастрычніка ў Кіеве адбылося адкрыццё помніка класіку беларускай літаратуры Уладзіміру Караткевічу, які быў створаны ў выніку дамоўленасці паміж Прэзідэнтам Рэспублікі Беларусь Аляксандрам Лукашэнкам і ўкраінскім лідарам Віктарам Януковічам. Урачыстая цырымонія прайшла каля Пасольства нашай краіны з удзелам міністра культуры Рэспублікі Беларусь Паўла Латушкі і міністра культуры Украіны Міхаіла Кулыняка.
У тым, што Магілёў — адна з калысак сучаснага опернага мастацтва Беларусі, пераконвае дзейнасць студыі класічнага вакалу Магілёўскай абласной філармоніі. І ў Магілёве, і ў Мінску, і далёка за межамі нашай краіны яе ведаюць па імені кіраўніка. Так і кажуць: “Студыя Людмілы Браілоўскай”.