Міжнародная канферэнцыя “Культурная спадчына і інфармацыйныя тэхналогіі на постсавецкай прасторы “АДІТ — 15” адкрылася днямі ў Замкавым комплексе “Мір” і сабрала каля паўтары сотні супрацоўнікаў музеяў ды інфармацыйнавылічальных цэнтраў з дзевяці краін свету. Замежныя спецыялісты цягам гэтага тыдня дзяліліся досведам у музейнай справе і знаёміліся з нашай нацыянальнай культурай.
На ўласны сольнік, што патрабуе сур’ёзнай падрыхтоўкі і разнастайнай праграмы, адважваюцца далёка не ўсе нашы эстрадныя зоркі. Настассі ж АРЦЕМ’ЕВАЙ — усяго 21, і ведае яе пакуль не кожны, а, між тым, за плячыма дзяўчыны з дзясятак конкурсных перамог, у тым ліку ў Італіі. Можа, і сапраўды яе ахоўвае “Анёл кахання”? Бо менавіта так называецца сольная праграма, з якой яна днямі выступіць у Маладзёжным тэатры эстрады.