Яны загінулі на вайне
Усё далей і далей ад нас вайна. Ужо 66 гадоў мінула пасля яе заканчэння. Але вось з часам яна як бы зноў пачынае набліжацца да нас, успамінаецца ўсё часцей і пранізлівей менавіта ў першыя майскія дні кожнага года. Можа, таму, што ўдзельнікаў вялікай вайны становіцца ўсё менш. Вось і ў нас, у Беларускім саюзе мастакоў, іх сёння засталося зусім мала: усяго 16 чалавек, а ваявала на франтах, у партызанскіх атрадах і падполлі больш за 150 прафесійных мастакоў і тых, хто пасля Перамогі на ўсё жыццё абраў сабе прафесію жывапісца, графіка ці скульптара, упісаўшы сваё імя ў выяўленчы летапіс савецкай эпохі. Для некаторых ветэранаў вайна і стала галоўнай Памяццю іх жыцця, якая потым увасаблялася ў жывапісныя карціны, скульптуры, гравюры, плакаты, малюнкі... І тут не адняць, не дадаць. Той чысты парыў любові да сваёй Бацькаўшчыны, той ахвярны напал і гатоўнасць аддаць жыццё за яе - незабыўныя, такога больш не было ніколі.
Далей