19 красавіка ў Маладзёжным тэатры эстрады адбылося праслухоўванне на дзіцячы і дарослы конкурсы ХХ Міжнароднага фестывалю мастацтваў “Славянскі базар у Віцебску”.
У Беларусі зніжаецца падатковая нагрузка на арганізацыі культуры. Адпаведны Указ № 145 “Аб некаторых пытаннях падаткаабкладання ў сферах культуры і інфармацыі” 14 красавіка падпісаў Кіраўнік дзяржавы Аляксандр Лукашэнка.
Энцыклапедыя “Максім Багдановіч”, выпуск якой прымеркаваны да 120-годдзя паэта, уключана Міністэрствам інфармацыі ў спіс сацыяльна значнай літаратуры. Выйдзе яна сёлета ў верасні. Пра гэта карэспандэнту “К” паведаміла галоўны рэдактар выдавецтва “Беларуская энцыклапедыя” імя П.Броўкі Ларыса Языковіч.
Установы культуры Беларусі падалі больш за 20 заявак на ўдзел у конкурсе на лепшы беларускі інтэрнэт-рэсурс пад назвай “Інтэрнэт-прэмія “TІБО2011”. Яны спаборнічаюць у адной з пятнаццаці намінацый — “Культура і мастацтва”.
Студэнты экраннага факультэта Беларускай дзяржаўнай акадэміі мастацтваў гэтымі днямі праходзяць стажыроўку ў сценах знакамітага Усерасійскага дзяржаўнага інстытута кінематаграфіі імя С.А. Герасімава.
28 красавіка завяршаецца “Мінская вясна”, а на дзень раней, 27-га, адкрываецца “Магілёўская музычная вясна-2011”. Пачынаўся ж вяснова-канцэртны марафон у Полацку, у Сафійскім саборы, дзе 20 красавіка адгучалі апошнія акорды ХХІV Міжнароднага фестывалю старадаўняй і сучаснай камернай музыкі.