22 красавіка ў Міністэрстве культуры адбылося пасяджэнне арганізацыйнага камітэта Рэспубліканскага конкурсу маладых талентаў “Зорка ўзышла над Беларуссю”, на якім былі падведзены вынікі другога і трэцяга этапаў творчага спаборніцтва, а таксама абмеркаваны нюансы фінальнага гала-канцэрта. Чакаецца, што лаўрэаты конкурсу атрымаюць узнагароды, а таксама прадэманструюць свае здольнасці 7 мая, напярэдадні Дня Перамогі, у Беларускай дзяржаўнай філармоніі.
На Рэспубліканскай выстаўцы “Пейзаж-2010” прадстаўлена амаль уся краіна мастацкая — ад Мінска да “самых до окраин”: тут і нашы сучасныя “класікі”, і моладзь, і “чыстыя” пейзажысты, і тыя “карціншчыкі”, для каго пейзаж — больш хобі, чым галоўны жанр. На першы погляд, у экспазіцыі ёсць усё: і лірыка, і эпіка, і эцюд, і “панарама” (праўда, вельмі слаба паказаны урбаністычны і калісьці папулярны індустрыяльны пейзаж). А, дарэчы, што ёсць пейзаж?
У Пасланні Кіраўніка нашай дзяржавы беларускаму народу і Нацыянальнаму сходу асаблівая ўвага надаецца пытанням якасці: “Асноўным арыенцірам ва ўсіх сферах дзейнасці з’яўляецца ЯКАСЦЬ: якасць тавараў, што ствараюцца, і паслуг, якія аказваюцца; якасць кіравання. І самае важнае — якасць жыцця людзей”. Таксама Аляксандр Лукашэнка падрэсліў, што “і сёлета ў поўнай меры захавана сацыяльная накіраванасць бюджэту. Сродкі, якія выдаткоўваюцца на сацыяльную сферу, не толькі не скарочаны, але і, па найважнейшых пазіцыях, нават павялічаны. Выдаткі бюджэту на фінансаванне сацыяльна-культурнай сферы ў цяперашнім годзе ў параўнанні з мінулым узраслі на 14 працэнтаў”. Значная частка выступлення Прэзідэнта перад беларускім народам і парламентам прысвячалася далейшаму развіццю нацыянальнай культуры.
Месяц красавік у Музеі гісторыі беларускага кіно прайшоў пад знакам юбілею Валерыя Рубінчыка: вядомаму майстру кіно, рэжысёру, сцэнарысту, акцёру, настаўніку споўнілася 70 гадоў. У межах святкавання адбылася персанальная рэтрапраграма рэжысёра “Кіно — справа ювелірная”. Таксама ў гонар маэстра ў музеі была адкрыта унікальная выстаўка эскізаў дэкарацый, касцюмаў, плакатаў да фільмаў Валерыя Рубінчыка, фатаграфій са здымак пад назвай “Настальгія”.
У Пасланні беларускаму народу і Нацыянальнаму сходу Прэзідэнт Рэспублікі Беларусь Аляксандр Лукашэнка звярнуў увагу, у тым ліку, і на стан айчыннай літаратуры. Кіраўнік дзяржавы адзначыў, што пісьменнікі, на жаль, не ствараюць сёння выбітных твораў, папулярных сярод шырокага кола чытачоў. Адным з крокаў да выпраўлення сітуацыі можа стаць адкрыццё ў Інстытуце журналістыкі БДУ новай спецыяльнасці — “літаратурная работа (творчасць)”. Першы набор абітурыентаў адбудзецца сёлета. Загадчык кафедры літаратурна-мастацкай крытыкі Інстытута журналістыкі Людміла САЯНКОВА спадзяецца на тое, што з’яўленне маладых “прафесіяналаў слова” з добрым культуралагічным базісам дазволіць вырашыць і іншую праблему. У выніку цікавых ды грунтоўных матэрыялаў, датычных культурнага жыцця, у беларускіх СМІ ў найбліжэйшы час прыкметна паболее. І, думаецца, намінацыя “Лепшыя матэрыялы культурнай і гісторыка-краязнаўчай тэматыкі” на Нацыянальным конкурсе друкаваных сродкаў масавай інфармацыі “Залатая Ліцера” папоўніцца новымі імёнамі. Якраз напярэдадні XIV Міжнароднай выстаўкі “СМІ ў Беларусі” і Дня друку наш карэспандэнт сустрэўся з настаўнікам будучых “акул пяра”, што стануць спецыялізавацца якраз на культурным кантэксце.
Каля 150 вучоных прынялі ўдзел у Міжнароднай навукова-практычнай канферэнцыі “Культура. Навука. Творчасць”, што праходзіла ў Беларускай дзяржаўнай акадэміі мастацтваў 22 — 23 красавіка.