”Зараз я паспрабую намаляваць партрэт яшчэ аднаго нашага амаль што забытага земляка — таленавітага графіка і жывапісца ХІХ ст. Рудольфа Казіміравіча Жукоўскага. Не блытаць з яго вялікім цёзкам па прозвішчы — Жукоўскім Станіславам Юліянавічам, таксама земляком, які даўно вядомы і ў нас, і ў Расіі, і ў Польшчы, хаця ён таксама раней быў уціснуты ў жорсткія рамкі рускага жывапісу.
Да вернісажу ўкраінскага фотамастака Ігара Гайдая заставалася крыху болей за суткі. Работы ў галерэі “Панарама” Нацыянальнай бібліятэкі Беларусі яшчэ не былі развешаны па сценах: канчатковы мантаж экспазіцыі быў наперадзе.
Музыкант Сяргей ПУКСТ — асоба дзіўных кантрастаў. То ён шакіруе публіку, то выдае хіт, поўны безабароннай пяшчоты і шчырасці, то бянтэжыць розум выкананнем “нігілістычнага джаза”, то стварае дасціпныя і складаныя творы для хору… Дык хто ж ён? Напэўна, ставіць перад слухачамі гэтае пытанне — адна з любімых гульняў музыканта.
Напрыканцы мінулага года адзін з артыкулаў рубрыкі “Соцыум” заклікаў укласці “сваю цаглінку” ў аднаўленне Навагрудскага замка. Ужо сёння гэта магчыма зрабіць, набыўшы білет грашоварэчавай латарэі “Скарбніца”, заснавальнік якой — Міністэрства культуры Рэспублікі Беларусь.
20 — 23 лютага Мінск наведалі прадстаўнікі сумеснай місіі UNESCO/ІКАМОС. Іх візіт супаў з тэмай пасяджэння Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь, якое адбылося на мінулым тыдні.
7 сакавіка ў Беларускай дзяржаўнай філармоніі распачнецца буйны канцэртны цыкл “Мінская вясна-2010”, які прадоўжыцца больш за месяц — да канца красавіка. Сёлета ў ім возьмуць удзел музыканты з 9ці краін свету, сярод якіх, акрамя Беларусі, — Бельгія, Германія, ЗША, Ірландыя, Літва, Польшча, Расія, Францыя. Галоўныя падзеі праекта будуць прымеркаваны да 200-годдзя з дня нараджэння Фрыдэрыка Шапэна і Роберта Шумана.
Падрыхтоўка да святкавання 80-годдзя з дня нараджэння Уладзіміра Караткевіча ўступіла ў актыўную фазу. Як ужо паведамляла “К”, цяпер праводзіцца конкурс на стварэнне помніка класіку беларускай літаратуры ў сталіцы Украіны. Наступным разам журы творчага спаборніцтва збярэцца на абмеркаванне праектаў айчынных скульптараў 1 сакавіка.
Рашэннем спецыяльнай фокус-групы, якая была створана Белтэлерадыёкампаніяй для ацэнкі прэтэндэнтаў на ўдзел у Міжнародным конкурсе песні “Еўрабачанне-2010”, быў выбраны калектыў маладых выканаўцаў “Тры плюс два” ў складзе сёстраў Алены і Нінель Карповіч, Юліі Шышко, Арцёма Міхаленкі і Егіязара Фарашана. Яны паедуць у Осла з песняй “Far away” Леаніда Шырына і Юрыя Вашчука. Усе спевакі — удзельнікі праекта “Новыя галасы Беларусі”, які праводзіўся летась.
Канцэрты сучаснай і старадаўняй музыкі, выстаўкі, сустрэчы з літаратарамі, тэатральныя прэм’еры чакаюць жыхароў Полацка ў сакавіку. Начальнік аддзела культуры гарвыканкама Іна Шаховіч адзначае, што ў “Культурнай сталіцы-2010” яны будуць даступнымі для кожнага.
26 марта 2010 г. состоится общее собрание акционеров ОАО “Проектреставрация”, расположенного по адресу: г. Минск, прт Партизанский, 31. Собрание пройдет по адресу: г. Минск, прт Партизанский, 31, каб. 106, первый этаж.
У Вялікай зале Дома літаратара адбыўся ўрачысты вечар ушанавання пісьменнікаў — ветэранаў Вялікай Айчыннай вайны і лакальных войнаў, арганізаваны Саюзам пісьменнікаў Беларусі і прысвечаны 65-годдзю Перамогі над фашызмам, а таксама Дню абаронцаў Айчыны і Узброеных Сіл Рэспублікі Беларусь.
У Мінску працягваюцца здымкі тэлевізійнага дэтэктыўнага серыяла “Нацыянальны здабытак”. Як паведаміў на прэс-канферэнцыі, прысвечанай кінапраектам старшыня Белдзяржтэлерадыёкампаніі Аляксандр Зімоўскі, гэта першая цалкам самастойная кінастужка НДТРК, і яны і надалей плануюць займацца кінавытворчасцю.