Еўрапейскі “трэнд” — для старых муроў
19 лістапада ў Мінскай вобласці адбылося выязное пасяджэнне сумеснай калегіі Міністэрства культуры і Міністэрства спорту і турызму Рэспублікі Беларусь “Аб эфектыўным выкарыстанні аб’ектаў гісторыка-культурнай спадчыны ў сферы турызму”. Галоўная тэма, якая абмяркоўвалася падчас пасяджэння, — як даць помнікам гісторыка-культурнай спадчыны новае жыццё праз ператварэнне іх у турыстычныя аб’екты. Пра тое, што такі падыход цалкам адпавядае еўрапейскай канцэпцыі захавання гісторыка-культурнай спадчыны, засведчыла нядаўняя Канферэнцыя міністраў культуры, якая прайшла ў Любляне. Упершыню ўдзел у ёй узяла і беларуская дэлегацыя, а ўзначаліў яе — намеснік міністра культуры Рэспублікі Беларусь Віктар Кураш.