Сёлета спецыяльны прыз Прэзідэнта Рэспублікі Беларусь “За захаванне і развіццё традыцый духоўнасці ў кінамастацтве” атрымлівае народны артыст Беларусі Генадзь ГАРБУК. Ён — з тых Асоб, што вызначаюць лёс беларускага кінематографа на працягу доўгага часу. Можна ўзгадаць шмат фільмаў з удзелам гэтага ўсенародна любімага творцы, які для многіх стаў увасабленнем “беларускага характару” на кінаэкране. Натуральна, што размову нашу мы і пачалі з “першых крокаў” акцёра ў кінематографе.
Новымі выпускамі кіначасопіса “Ералаш” распачнецца XI Мінскі міжнародны кінафестываль “Лістападзік”. Беларускі поўнаметражны фільм “Навагоднія прыгоды ў ліпені” Алены Туравай і Івана Паўлава прадставіў краіну ў конкурснай праграме, якую складаюць восем кінастужак. Сёлета ў спаборніцтве таксама ўдзельнічаюць Аўстралія, Нідэрланды, Узбекістан, Латвія, Італія.
Інстытут мастацтвазнаўства, этнаграфіі і фальклору імя Кандрата Крапівы Нацыянальнай акадэміі навук Беларусіпрацягвае выпуск кніг са шматтомнай серыі “Беларусы”, аўтарскі калектыў якой летась быў узнагароджаны прэміяй “За духоўнае адраджэнне”. Чарговы том прысвечаны 85-годдзю беларускага кіно. Па словах дырэктара Інстытута Аляксандра Лакоткі, праца над кнігай вялася некалькі апошніх гадоў супрацоўнікамі аддзела экранных мастацтваў і ўяўляе з сябе аналіз гісторыі беларускага кіно.
У кулуарах журы кінапрэсы называюць “беларускім філіялам FIPRESCI” — Міжнароднай федэрацыі кінематаграфіі прэсы. Насамрэч, айчыннаму фестывалю ёсць чым ганарыцца: далёка не на ўсіх, нават міжнародных, кінафорумах працуе такая структура. Сёлета яе старшынёй, ужо шосты раз, стала Людміла Перагудава, галоўны рэдактар часопіса “На экранах” — старэйшага ў Беларусі спецыялізаванага выдання па кіно.
Больш за 40 гадоў таму ў студэнцкай газеце ВГИКа “Путь к экрану” было расказана пра тое, як маладыя кінематаграфісты, студэнты інстытута, у адной з творчых паездак па краіне сустрэліся з кінагледачамі г. Златауста, дзе разгарнулі экспазіцыю выстаўкі мастакоў кіно. Эскізамі да тэлеспектакляў “Завяшчанне” і “Паэма пра сякеру” здаў справаздачу і студэнт майстэрні народнага мастака СССР Ю.Піменава Уладзімір Чарнышоў. У 1968 годзе ён паспяхова абараніў дыплом і быў размеркаваны на працу ў якасці мастакапастаноўшчыка ігравых фільмаў на кінастудыю “Беларусьфільм”.