РАВЕСНІК ВЫЗВАЛЕННЯ
22 кастрычніка Беларускі дзяржаўны музей гісторыі Вялікай Айчыннай вайны адсвяткуе сваё 65-годдзе. Першыя яго наведвальнікі былі непасрэднымі ўдзельнікамі баёў за вызваленне Беларусі. Сёння яны прыводзяць туды сваіх унукаў і нават праўнукаў. За 65 гадоў гісторыі ўстановы ў яе залах пабывалі чатыры пакаленні беларусаў. Музей стаў для іх свайго кшталту мостам, які злучае мінулае і будучыню, дазваляючы перажыць тыя падзеі, што, на шчасце, ужо сталі гісторыяй.