Кадры, адгукніцеся!
Дыяген праславіўся не толькі тым, што жыў у бочцы. У вольны ад філасофскіх разваг час ён з паходняй у руцэ нястомна шукаў асоб. Сёння ягоны шлях паўтарае дырэктар Максімавіцкага сельскага дома культуры Сяргей Шчэпка: ён таксама ўпарта шукае асобу. І не адну, а, як мінімум, дзве. Патрэбны СДК мастацкі кіраўнік і акампаніятар, а тое, што добры культасветнік — заўжды асоба, дырэктар установы і пад сумнеў не бярэ. Скончыў у свой час Інстытут культуры, цудоўна ўсвядоміў, што без спецыялістаў, здольных на перспектыўнае мысленне, вясковая культура будзе няўхільна гібець. І праблема жыццядзейнага кадравага патэнцыялу тычыцца, безумоўна, не толькі Клічаўскага раёна і не толькі Магілёўшчыны. Але душа Сяргея Шчэпкі баліць, зразумела, найперш за родную ўстанову.
Далей