Зайсці ў трохмерны замак...
Уявіце сабе: помнікі культуры, гісторыі і архітэктуры вы, не выходзячы з пакоя, можаце на сваім камп’ютэры пакруціць, разгледзець, зазірнуць унутр, пабачыць з розных ракурсаў, павялічыць нейкія фрагменты. А яшчэ — згуляць у віртуальную бітву, скажам, у палацава-паркавым ансамблі ў Нясвіжы, знайсці каштоўную бібліятэку ў падвалах будынка і перахаваць яе ад кібергаў, прыкладам, у Мірскім замку, хаваючыся ад ворагаў у векавым гістарычным парку. Ці такі момант: ваш заакіянскі сябра пытаецца, дзе гэта і што гэта, — Беларусь? А вы у адказ па Інтэрнеце — трохмерныя паштоўкі Рэфарматарскага храма ў Заслаўі, Белай вежы ў Камянцы, каму што падабаецца: маўляў, вось яна, наша зямля і культура, глядзі-разглядай і зайздросць… Фантазіраваць — няблага. Аднак дзякуючы новаму праекту трохмернага мадэлявання аб’ектаў гісторыка-культурнай спадчыны, які распачаўся 1 лістапада на сайце www.cgtalk.by, гэта ўжо зусім ў недалёкай будучыні — зусім не фантазія.
Далей