У моды свае амбіцыі
Пасля нашумелага, асабліва ў жаночым асяроддзі, фільма “Д’ябял носіць “Прада”, які заняў даволі высокую прыступку ў айчынным кіна-хіт-парадзе, ахвотніц стаць манекеншчыцамі, дызайнерамі, візажыстамі і г.д., думаю, стала значна болей. Тым больш, што беларускія ВНУ ды розныя ўстановы гэтаму паспяхова вучаць, нягледзячы на тое, што належная fashion-індустрыя ў нашй краіне папросту адсутнічае. А значыць, стаць знакамітымі ды заможнымі пры такіх абставінах практычна нерэальна. Тым не менш, адзінкі з іх, моцныя духам ды таленавітыя, усё ж не губляюцца і самастойна, дзень за днём,як вясенні дзьмухавец праз асфальт, прабіваюць шлях да сваёй зоркі. Людміла Лабкова – малады мадэльер, чыё імя ўжо стала брэндам. Яна хрэстаматыйны прыклад таго, як правінцыяльная дзяўчынка з пяццю рублямі ў кішэні прыехала заваёўваць сталіцу. Каму як ні ёй ведаць, ці трэба быць “Д’яблам”, каб нешта значыць для моды, і ці магчыма на даходы мадэльера насіць “Прада”.
Далей